Maharashtra Rain | राज्यातील ‘या’ जिल्ह्याला रेड अलर्ट, शाळा आणि महाविद्यालयांना पावसामुळे सुट्टी जाहीर
School And Colleges Holiday due to Rain 26 July 2023 | भारतीय हवामान खात्याकडून महाराष्ट्रातील 4 जिल्ह्यांना बुधवारी 26 जुलैसाठी रेड अलर्टचा इशारा देण्यात आला आहे.
अलिबाग | राज्यात गेल्या काही दिवसांपासून अनेक जिल्ह्यात जोरदार पाऊस झालाय. या पावसामुळे पूरपरिस्थिती निर्माण झाली. राज्यात काही जिल्ह्यांमध्ये सातत्याने धुवाधार पाऊस होतोय. पावसाचा कहर पाहायला मिळतोय. नद्याच्या नद्या दुथड्या भरुन वाहतायेत. पावसाने गेल्या काही दिवसात चांगलाच हाहाकार माजवलाय. अनेक जिल्ह्यांना पावसाने झोडपून काढलय. हवामान खात्याने आज 26 जुलै रोजी एकूण 4 जिल्ह्यांना रेड अलर्ट दिला आहे. या रेड अलर्ट असलेल्या 4 जिल्ह्यांमध्ये रायगड, रत्नागिरी, सातारा आणि पुणेचा समावेश आहे.
रायगड जिल्ह्याला रेड अलर्ट
भारतीय हवामान खात्याच्या अंदाजानुसार रायगड जिल्ह्यात दि.२५ व २६ जुलै २०२३ रोजी #रेड अलर्ट pic.twitter.com/bozCVGLvdn
— जिल्हा माहिती कार्यालय,रायगड-अलिबाग (@InfoRaigad) July 25, 2023
या जिल्ह्यांना रेड अलर्ट असल्याने प्रशासन आणि मदत यंत्रणा या अलर्ट मोडवर आहेत. कोणतीही परिस्थिती उद्भवल्यास मदत यंत्रणा या बचाव कार्यसाठी सज्ज आहेत. रायगड जिल्ह्याला असलेल्या रेड अलर्टच्या पार्श्वभूमीवर जिल्हा प्रशासनाने मोठा निर्णय घेतला आहे. रेड अलर्ट असल्याने जिल्हा प्रशासनाने रायगडमधील शाळा आणि महाविद्यालयांना सुट्टी जाहीर केली आहे. जिल्हा माहिती कार्यालयाच्या सोशल मीडिया अकाउंटवरुन याबाबतीच माहिती देण्यात आली आहे.
रायगड जिल्ह्यातील शाळा आणि महाविद्यालयांना सुट्टी
दरम्यान रायगड जिल्ह्यातील 6 पैकी 1 नदीने इशारा पातळी ओलांडली आहे. जिल्हा माहिती कार्यालयाच्या ट्विटर अकाउंटवरुन ही माहिती दिली आहे. त्यानुसार 25 जुलै रात्री 11 वाजेपर्यंतच्या आकडेवारीनुसार, कुंडलिका नदीची इशारा पातळी ही 23.00 मी इतकी आहे. तर सध्याची पातळी ही 23.35 मी इतकी आहे.
कुंडलिका नदीने इशारा पातली ओलांडली
#पाणीपातळीरायगड जिल्हयातील नदी पाणी पातळी अहवाल, वेळ रात्री. – २३.०० वा. #कुंडलिका नदीने इशारा पातली ओलांडली आहे pic.twitter.com/Wnq0bLJh4c
— जिल्हा माहिती कार्यालय,रायगड-अलिबाग (@InfoRaigad) July 25, 2023
तर जिल्ह्यातील सावित्री, अंबा, पाताळगंगा, उल्हास आणि गाढी या 5 नद्यांची पाणी पातळी ही इशारा पातळी पेक्षा कमी आहे.
दरम्यान हवामान खात्याकडून राज्यातील मुंबई, ठाणे, कोल्हापूर आणि सिंधुदुर्ग या जिल्ह्यांना आज ऑरेन्ज अलर्ट आहे. त्यामुळे या 4 जिल्ह्यात मुसळधार पाऊस होण्याचा अंदाज हा आहे.तसेच पालघर, चंद्रपूर, गडचिरोली आणि यवतमाळ या 4 जिल्ह्यांना यलो अलर्ट आहे.
