प्रतिकार शक्ती वाढवण्यासाठी ‘सीड मदर’ राहीबाई पोपेरे यांचा मोलाचा सल्ला

कोरोनाच्या लढाईत रोगप्रतिकार शक्तीची कमतरता हाही उपचारात कळीचा मुद्दा ठरत आहे. यावर सीड मदर म्हणून प्रसिद्ध राष्ट्रपती पदक विजेत्या पद्मश्री राहीबाई पोपेरे यांनी मोलाचा सल्ला दिला आहे (Rahibai Popere advice for immunity system).

प्रविण शिंदे, टीव्ही 9 मराठी डिजीटल टीम | Updated on: Apr 23, 2020 | 5:06 PM

अहमदनगर : कोरोना विषाणूच्या संसर्गाने जगभरात हाहाकार माजवला आहे. अशातच त्यावर रामबाण उपाय असलेल्या लसचाही शोध लागणेही अजून बाकी आहे. कोरोनाच्या लढाईत रोगप्रतिकार शक्तीची कमतरता हाही उपचारात कळीचा मुद्दा ठरत आहे. यावर सीड मदर म्हणून प्रसिद्ध राष्ट्रपती पदक विजेत्या पद्मश्री राहीबाई पोपेरे यांनी मोलाचा सल्ला दिला आहे (Rahibai Popere advice for immunity system). कोरोनाशी सामना करण्यासाठी रोगप्रतिकार शक्ती वाढवण्यासाठी गावरान वानांची लागवड करा, असा सल्ला राहिबाई पोपरे यांनी दिला आहे.

राहिबाई पोपेरे म्हणाल्या, “कोणत्याही आजारातून बरे होण्यासाठी प्रत्येकाची प्रतिकार शक्ती उत्तम असणं गरजेचे आहे. संपूर्ण जग कोरोनाचा मुकाबला करतंय. कोरोनाशी सामना करण्यासाठी रोगप्रतिकार शक्ती वाढवायची असेल, तर गावरान वानांची लागवड करायला हवी. शेतकऱ्यांनी प्राधान्याने गावरान वानांची लागवड करावी. गावरान वाण हा सकस आहार असून तो सर्वांना खाण्यास मिळेल आणि त्यामुळे कठीण आजारांवर मात करणे शक्य होईल.”

अहमदनगरमधील अकोले तालुक्यात कोंभाळणे या आदिवासी गावात राहणाऱ्या पद्मश्री राहीबाई पोपेरे आपल्या गावातच गावरान वाणांचं जतन करतात. या लॉकडाऊनच्या काळातही त्यांचं हे काम सुरुच आहे. त्यांनी यावेळी नागरिकांना घरातच थांबण्याचंही आवाहन केलं आहे.

दरम्यान, राज्यातील कोरोनाबाधितांची संख्या झपाट्याने वाढत चालली (Maharashtra Corona Update) आहे. राज्यात 22 एप्रिलला नव्या 431 कोरोना रुग्णांची भर पडली आहे. त्यामुळे महाराष्ट्रातील कोरोनाबाधितांची संख्या 5 हजार 649 वर पोहोचली आहे. मुंबईत कोरोनाबाधितांचा आकडा 3 हजार 683 वर पोहोचला आहे. तर पुणे शहर आणि ग्रामीण भागात एकूण 753 कोरोनाचे रुग्ण आढळले आहेत.

दुसरीकडे 22 एप्रिलला राज्यात 18 कोरोनाबाधितांचा मृत्यू झाला (Maharashtra Corona Update) आहे. यात मुंबईत 10, पुणे 2, औरंगाबाद 2 तर कल्याण डोंबिवली, सोलापूर, जळगाव आणि मालेगावात प्रत्येकी एका रुग्णाचा कोरोनामुळे मृत्यू झाला आहे.

आज मृत्यू झालेल्या रुग्णांमध्ये 14 पुरुष आणि 4 महिलांचा समावेश आहे. यात 18 पैकी 12 रुग्णांमध्ये मधुमेह, उच्च रक्तदाब आणि हृदयरोग अशा स्वरुपाचे अतिजोखमीचे आजार आढळले. त्यामुळे कोरोनामुळे मृत्यू झालेल्या मृत्यूंची संख्या 269 वर पोहोचली आहे.

?राज्यातील एकूण कोरोना रुग्ण – 5649 ?आज नवे रुग्ण – 431 ?आज मृत्यू – 18 (एकूण 269) ?आज डिस्चार्ज मिळालेले रुग्ण – 67 (एकूण 789) ?मुंबईतील एकूण रुग्ण – 3683 ?पुण्यातील एकूण रुग्ण (शहर+ग्रामीण) – 753 (आतापर्यंत मृत्यू- 54)

कोरोना रुग्णांची अद्ययावत आकडेवारी:

जिल्हा	रुग्ण	बरे	मृत्यू
मुंबई	343962	318995	11535
पुणे	439562	405696	8144
ठाणे	293052	274816	5873
पालघर	49872	47852	939
रायगड	72974	69761	1613
रत्नागिरी	12336	11646	425
सिंधुदुर्ग	6777	6359	180
सातारा	60722	57120	1858
सांगली	51829	49294	1800
नाशिक	137449	128167	2093
अहमदनगर	79880	76380	1171
धुळे	18870	16902	337
जळगाव	69604	63098	1542
नंदूरबार	11448	10157	229
सोलापूर	59754	56379	1859
कोल्हापूर	50144	48056	1684
औरंगाबाद	59429	50987	1289
जालना	16713	15779	394
हिंगोली	5342	4497	100
परभणी	9332	7943	313
लातूर	26927	25245	716
उस्मानाबाद	18533	17413	576
बीड	20796	18513	577
नांदेड	26170	22710	692
अकोला	20302	16111	404
अमरावती	43318	38752	567
यवतमाळ	21989	18875	497
बुलडाणा	20865	17605	270
वाशिम	11352	10120	169
नागपूर	173547	152959	3584
वर्धा	16143	14254	325
भंडारा	14604	13711	315
गोंदिया	14858	14440	175
चंद्रपूर	25987	24485	422
गडचिरोली	9325	8994	103
इतर राज्ये (महाराष्ट्रात उपचार सुरु)	146	0	91
एकूण	2314413	2134072	52861