ट्रक आणि टाटा मॅजिकची नांदेड येथे भीषण धडक, सहा जणांचा मृत्यू झाल्याचा अंदाज

भोकरहून नांदेड येथे जाणाऱ्या भरधाव ट्रकने टाटा मॅजिकला धडक दिल्याने झालेल्या भीषण अपघातात सहा जणांचा मृत्यू झाल्याचे म्हटले जात आहे. नांदेड ते भोकर महामार्गावरील वाकद गावाजवळ हा अपघात घडला आहे.

भोकरकडून नांदेडच्या दिशेने भरधाव जाणाऱ्या भरधाव ट्रकने टाटा मॅजिकला जोरदार धडक दिल्याने झालेल्या या भीषण अपघातात सहा जण ठार झाल्याची माहिती स्थानिकांनी दिली आहे.या अपघाताबद्दल शासकीय यंत्रणेने अद्याप किती जण मृत पावले आहेत याची अधिकृत माहिती दिलेली नाही. या अपघातात सात ते आठ जण गंभीर जखमी झाल्याचे सांगितले जात आहे.

नांदेड ते भोकर महामार्गावरील वाकद गावाजवळ हा भीषण अपघात झाला असून ट्रक चालक अपघातानंतर ट्रकमध्येच अडकला आहे. या ट्रक चालकाला बाहेर काढण्याचे प्रयत्न सुरु आहेत. या अपघातातील जखमींनी भोकरच्या शासकीय रुग्णालयात उपचारासाठी दाखल केले आहे.

ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.