कोरोनावरील महाराष्ट्राचा ‘अॅक्शन प्लॅन’ तयार, राज्यभरात सव्वा नऊ लाख नागरिकांचं सर्वेक्षण पूर्ण

कोरोना नियंत्रणासाठी महाराष्ट्र सरकारने आपला 'अॅक्शन प्लॅन' प्लॅन तयार केला आहे (Containment plan of Maharashtra for Corona prevention).

कोरोनावरील महाराष्ट्राचा 'अॅक्शन प्लॅन' तयार, राज्यभरात सव्वा नऊ लाख नागरिकांचं सर्वेक्षण पूर्ण
Follow us
| Updated on: Apr 03, 2020 | 10:10 PM

मुंबई : कोरोना नियंत्रणासाठी महाराष्ट्र सरकारने आपला ‘अॅक्शन प्लॅन’ प्लॅन तयार केला आहे. त्याच्या अंतर्गत आतापर्यंत राज्यभरात सव्वा नऊ लाख नागरिकांचं सर्वेक्षणाचं काम पूर्ण झालं आहे (Containment plan of Maharashtra for Corona prevention). महाराष्ट्र सरकारने कंटेनमेंट आराखडा तयार केला आहे. त्यानुसार ज्या भागात कोरोनाचे 3 किंवा त्यापेक्षा जास्त पॉझिटिव्ह रुग्ण आढळून आले तेथे क्लस्टर कंटेनमेंट कृती योजना राबवली जात आहे. त्यानुसार बाधित रुग्ण ज्या भागात राहतो तेथून साधारणपणे 3 किलोमीटर पर्यंतच्या भागाचे सर्वेक्षण केले जात आहे, अशी माहिती राज्याचे आरोग्य मंत्री राजेश टोपे यांनी दिली.

मुंबई महापालिका क्षेत्रातील सर्वेक्षणासाठी अशी 292 पथकं तयार करण्यात आली आहेत. पुणे महानगरपालिका क्षेत्रात 413, नागपूर महापालिका क्षेत्रामध्ये 210 पथकं कार्यरत आहेत. त्यांच्यामार्फत घरोघर सर्वेक्षणाचं काम केलं जात आहे. राज्यभरात सुमारे 18 जिल्ह्यांमध्ये एकूण 2455 पथकं सर्वेक्षणाचं काम करत आहेत. गुरुवारपर्यंत (2 एप्रिल) सुमारे 9 लाख 25 हजार 828 नागरिकांचं सर्वेक्षण करण्यात आलं आहे, अशी माहिती आरोग्यमंत्री राजेश टोपे यांनी दिली.

कंटेनमेंट आराखडा कसा आहे?

ज्या भागात कोरोनाचे 3 किंवा त्यापेक्षा जास्त पॉझिटिव्ह रुग्ण आढळून आले तेथे क्लस्टर कंटेनमेंट कृती योजना राबवली जात आहे. त्यानुसार बाधित रुग्ण ज्या भागात राहतो तेथून साधारणपणे 3 किलोमीटर पर्यंतच्या भागाचं सर्वेक्षण केलं जातं. त्यासाठी तैनात करण्यात आलेल्या पथकांच्या माध्यमातून घरोघर जावून लोकांचं सर्वेक्षण केलं जातं. सध्या राज्यात कोणत्याही भागात एक कोरोना बाधित रुग्ण आढळला तरी देखील तेथे सर्वेक्षणाचं काम केलं जात आहे, असं आरोग्य विभागामार्फत सांगण्यात आलं.

सर्वेक्षण कसं होतं?

कंटेनमेंट झोन निश्चित झाल्यानंतर त्या भागाचा नकाशा तयार केला जातो. त्यातील घरांची संख्या त्याची लोकसंख्या विचारात घेऊन पथके तयार केली जातात. त्यांना विभाग वाटून दिला जातो. सकाळी 8 ते सायंकाळी 4 यावेळात सर्वेक्षणाचं काम केलं जात आहे. पथकातील सदस्य घरोघरी जाऊन नागरिकांना सर्दी, ताप, खोकला, श्वास घेताना होणारा त्रास आदीबाबत माहिती घेतात. लक्षणांनुसार रुग्णांची यादी तयार केली जाते. ती संबंधित आरोग्य अधिकाऱ्याला दिली जाते. ज्या पथकाला जो विभाग नेमून दिला आहे त्याच पथकानं पुढील 14 दिवस दररोज सर्वेक्षण करायचं अशा सूचना देण्यात आल्या आहेत. संशयित रुग्ण आढळल्यास संबंधित आरोग्य अधिकारी मोठ्या रुग्णालयाकडे त्याला पाठवतो.

पथकातील सदस्य

या पथकामध्ये आरोग्य कर्मचारी, एएनएम, हिवताप निर्मूलन कर्मचारी, आशा कार्यकर्ती, अंगणवाडी सेविका, आवश्यकता भासल्यास नर्सिंग महाविद्यालयाचे विद्यार्थी यांचा समावेश केला जातो. या पथकामार्फत सर्वेक्षणासोबत कॉन्टॅक्ट ट्रेसिंगचे महत्वपूर्ण कामही केले जाते. शिवाय कोरोनाबाबत जनप्रबोधनचेही काम केले जाते. नागरिकांनी सर्वेक्षणासाठी आलेल्या कर्मचाऱ्यांना सहकार्य करावे. त्यांना योग्य ती माहिती द्यावी. जेणेकरून कोरोनाचा संसर्ग रोखण्यासाठी मोठी मदत होईल, असं आवाहनही आरोग्यमंत्र्यांनी केलं आहे.

कोठे किती पथकं?

मुंबई महापालिका क्षेत्र (पथकांची संख्या 292), पुणे महापालिका (413), पिंपरी चिंचवड महापालिका (38), पुणे ग्रामीण भाग (331), ठाणे जिल्ह्यातील ठाणे महापालिका (140), कल्याण डोंबिवली महापालिका (82), नवी मुंबई महापालिका (169), उल्हासनगर (90), रायगड जिल्ह्यातील पनवेल महापालिका (65), रत्नागिरी (54), अहमदनगर जिल्हा (15) आणि महापालिका क्षेत्र (25), यवतमाळ (52), नागपूर महापालिका (210), सातारा (182), सांगली (31), पालघर जिल्ह्यातील वसई विरार (70), सिंधुदूर्ग (19), कोल्हापूर महापालिका (6), गोंदिया (20), जळगाव महापालिका (36), बुलढाणा (94), नाशिक ग्रामिण (28) क्षेत्रात सध्या ही सर्वेक्षण पथके कार्यरत आहेत.

संबंधित बातम्या :

संबंधित बातम्या :

तब्लिगीमुळे 14 राज्यात धाकधूक, तब्बल 647 जणांना कोरोनाची लागण

तब्लिगीचे 10 जण पुण्यातून फरार झाल्याचं वृत्त, पुणे विभागीय आयुक्तांचा मोठा खुलासा

Corona : मुंबई विमानतळावर तैनात CISF चे 11 जवान कोरोना पॉझिटिव्ह, तब्बल 142 जण क्वारंटाईन

तेव्हा लोकांनी ढोल वाजवले, आता आग लावली नाही म्हणजे झालं : संजय राऊत

मास्क, टेस्टिंग किट, व्हेंटिलेटर्सवरील GST माफ करा, अजित पवारांची केंद्राकडे मागणी

Containment plan of Maharashtra for Corona prevention

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.