अनिल परब यांनी एसटी ड्रायव्हरच्या सीटवर 1 तास बसून दाखवावं, नितेश राणेंचं चॅलेंज

ठाणे: भाजप आमदार नितेश राणे यांनी ठाणे डेपोमध्ये जाऊन एसटीची पाहणी केली. एसटी कामगार तासंतास अशा स्थितीत गाडी चालवतो. या लोकांनी एसटीची काय अवस्था केलीय, असा सवाल नितेश राणे यांनी केला. माझं आव्हान अनिल परब यांना आव्हान आहे की त्यांनी या सीटवर एक तास बसावं, मग कळेल की एसटी कर्मचाऱ्यांच्या व्यथा काय असतात, असं नितेश राणे म्हणाले.

अनिल परब यांनी एक तास ड्रायव्हर सीटवर बसावं

मी अनिल परब यांनी या सीटवर एक तास तरी बसून दाखवावं. विलीनीकरण केलं नाही तर आम्ही त्यांना या सीटवर बांधून ठेऊ, असं नितेश राणे म्हणाले. महाविकास आघाडी सरकारचा तेरावा या सीटवर घालणार आहोत, असं नितेश राणे म्हणाले.

अजित पवारांनी चार पावलं पुढं यावं

अजित पवार यांना विनंती आहे की त्यांनी चार पावलं पुढं येऊन या सीटवर बसून गाडी चालवून दाखवावी. गाडी चालवून दाखवावी आणि मग एसटी कर्मचाऱ्याचे प्रश्न सोडवावे की नाही, हे त्यांना कळेल, नितेश राणे म्हणाले.

एसटीची ही अवस्था असेल तर आणि राज्य सरकार मार्ग काढणार नसेल तर राज्यात कायदा आणि सुव्यवस्थेचा प्रश्न निर्माण होईल, असं नितेश राणे म्हणाले. अनिल परब यांना मी इथं घेऊन येतो आणि त्यांना खुर्चीवर बसवतो. ही स्थिती पाहून ते विलीनीकरणाच्या प्रस्तावावर सही करतील, असं नितेश राणे म्हणाले.

एसटीच्या संपावर पुढील सुनावणी 20 डिसेंबरला

एसटी कर्मचाऱ्यांच्या संपाबाबत पुढील सुनावणी 20 डिसेंबर रोजी होणार आहे. आम्ही समितीसमोर आमची बाजू मांडली असल्याचं अ‌ॅड. गुणरत्न सदावर्ते यांनी म्हटलं आहे. आज आम्ही कोणतीही चुकीची घोषणा दिली नसल्याचं सांगितलं. आम्ही अहिंसक पद्धतीनं आंदोलन करत आहोत. एका कष्टकऱ्यानं एसटीवर दगड मारलेला नाही. 40 एसटी कर्मचाऱ्यांनी आत्महत्या केल्या आहेत त्या पाहत्या न्यायालयानं आदेश पारीत करावा, असं सांगितल्याचं गुणरत्न सदावर्ते म्हणाले. पुढील सुनावणीपूर्वी राज्य सरकारनं एसटी कर्मचाऱ्यांच्या संपावर मार्ग काढण्याचे आदेश दिल्याचं सदावर्ते यांनी सांगितलं.

इतर बातम्या:

Gunratna Sadavarte | एसटीचं विलीनीकरण करणार की नाही ते सांगा: गुणरत्न सदावर्ते

एसटी कर्मचारी आणि जनतेच्या हितासाठी मध्यम मार्ग काढण्यासंदर्भात शरद पवारांसोबत चर्चा: अनिल परब

Nitesh Rane said Anil Parab came and seat one hour on the driver seat of st