धक्कादायक! ऐन दिवाळीत सख्ख्या तीन भावांचा शॉक लागून मृत्यू
या घटनेमुळे संपूर्ण परिसरात खळबळ उडाली असून संपूर्ण गावावर शोककळा पसरली असून पोलीस तपास सुरू असल्याचं सांगण्यात आलं आहे.
जालना : ऐन दिवाळीत (Diwali) जालन्यामध्ये (Jalna) काळजाचा ठोका चुकवणारा प्रकार समोर आला आहे. विद्युत शॉक लागून सख्ख्या तीन भावांचा एकाच वेळी मृत्यू झाल्याची घटना भोकरदन तालुक्यात पिंपळगाव पिंपळे इथं घडली आहे. या घटनेमुळे संपूर्ण परिसरात खळबळ उडाली असून, संपूर्ण गावावर शोककळा पसरली आहे. या घटनेचा अधिक तपास पोलीस करत आहेत. (Three brothers died at the same time due to electric shock in jalna)
मिळालेल्या माहितीनुसार, तिघे भाऊ शेतामध्ये पाणी भरण्यासाठी गेले होते. शेतात जाताच पाणी सोडण्यासाठी तिघे विहिरीवर विद्युत मोटर चालू करण्यासाठी गेले असता शॉक लागला. यावेळी एकमेकांची मदत करण्यात तिघांचाही मृत्यू झाला असल्याचा प्राथमिक अंदाज पोलिसांकडून वर्तवण्यात येत आहे.
या घटनेमध्ये ज्ञानेश्वर आप्पासाहेब जाधव 27वर्षे, रामेश्वर आप्पासाहेब जाधव 24 वर्षे आणि सुनिल आप्पासाहेब जाधव अशी मयत भावांची नावं आहे. ऐन दिवाळीत तिघांचा अशा प्रकारे मृत्यू झाल्याने जाधव कुटुंबावर दु:खाचा डोंगर कोसळला आहे तर संपूर्ण गावात शोककळा पसरली आहे. (Three brothers died at the same time due to electric shock in jalna)
शेतामध्ये तिघा भावांना शॉक लागताच त्यांचा मृत्यू झाला. स्थानिकांनी घटनास्थळी धाव घेईपर्यंत तिघांचेही प्राण गेल्याचं सांगण्यात येत आहे. यानंतर तात्काळ घटनेची माहिती पोलिसांना देण्यात आली. पोलिसांनी घटनास्थळी धाव घेत पुढील तपास सुरू केला आहे. नेमका शॉक कसा लागला याचाही शोध सुरू असल्याचं सांगण्यात येत आहे.
दरम्यान, पोलिसांनी घटनास्थळावरून तिघा भावंडांचा मृतदेह ताब्यात घेतला असून तो शवविच्छेदनासाठी नजिकच्या स्थानिक रुग्णालयात पाठवण्यात आला आहे. पोलीस सध्या या प्रकरणात कुटुंबीय आणि स्थानिकांचीही चौकशी करत आहेत. तर घरातून शेतात गेलेली तरुण लेकरं परत कधीच घरी परतणार नाहीत या विचारांनी कुटुंबाला मोठा धक्का बसला आहे.
इतर बातम्या –
शौचाल्याच्या टाकीचे झाकण उघडे, खेळण्यासाठी गेलेल्या चार वर्षीय मुलीचा दुर्दैवी मृत्यू
दुधाचा टँकर उलटून 50 फूट फरफटत, पुणे मुंबई एक्सप्रेस वेवर थरार, एकाचा जागीच मृत्यू
ऐन दिवाळीत पिता-पत्राचा अपघाती मृत्यू, ट्रकच्या चाकाखाली आल्यानं जागीच गमावले प्राणhttps://t.co/MQOq3gCOaq
— TV9 Marathi (@TV9Marathi) November 17, 2020
(Three brothers died at the same time due to electric shock in jalna)
