महाराष्ट्रात 2115 जण कोरोनामुक्त, एकूण कोरोना रुग्णांचा आकडा 12 हजार 974 वर

मुंबई : राज्यात आज (3 मे) कोरोनाच्या नवीन 678 रुग्णांची नोंद झाली. त्यामुळे महाराष्ट्रातील एकूण कोरोनाबाधितांची रुग्ण संख्या 12 हजार 974 झाली आहे (Total Corona Patient in Maharashtra). आज दिवसभरात 115 कोरोनाबाधित रुग्णांना उपचारानंतर बरे झाल्याने घरी सोडण्यात आले. आतापर्यंत राज्यभरात 2115 रुग्ण बरे झाले आहेत. सध्या राज्यात एकूण 10 हजार 311 कोरोना अॅक्टिव्ह रुग्णांवर उपचार सुरु आहेत, अशी माहिती आरोग्यमंत्री राजेश टोपे यांनी दिली.

आतापर्यंत महाराष्ट्रात एकूण 1 लाख 70 हजार 139 नमुन्यांच्या कोरोना चाचण्या झाल्या आहेत. यापैकी 1 लाख 56 हजार 78 जणांचे प्रयोगशाळा नमुने कोरोनासाठी निगेटिव्ह आले, तर 12 हजार 974 जण पॉझिटिव्ह आले आहेत. राज्यात 1 लाख 81 हजार 382 लोक होम क्वारंटाईनमध्ये आहेत. तसेच 13 हजार 158 लोक संस्थात्मक क्वारंटाईनमध्ये आहेत.

आज राज्यात 27 कोरोना बाधित रुग्णांचा मृत्यू झाला आहे. आता एकूण मृतांची संख्या 548 झाली आहे. आज झालेल्या मृतांमध्ये मुंबईमधील 21, पुण्यातील 4, भिवंडीतील 1, नवी मुंबईमधील एकाचा समावेश आहे. आज झालेल्या मृत्यूंपैकी 16 पुरुष तर 11 महिला आहेत. या 27 मृत्यूंपैकी 14 रुग्ण 60 वर्षे किंवा त्यावरील वयाचे आहेत. 10 रुग्ण हे वय वर्षे 40 ते 59 या वयोगटातील आहेत. तर 3 जण 40 वर्षांखालील आहे. या 27 रुग्णांपैकी 13 जणांमध्ये (48 टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत.

राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 997 कंटेनमेंट झोन क्रियाशील आहेत. आज एकूण 11 हजार 78 सर्वेक्षण पथकांनी काम केले आहे. त्यांनी 51.05 लाख लोकसंख्येचे सर्वेक्षण केले आहे.

कोरोना रुग्णांची अद्ययावत आकडेवारी :

संबंधित बातम्या :

Navi Mumbai Corona : नवी मुंबईत एकाच दिवसात 25 नवे रुग्ण, कोरोनाबाधितांची संख्या 300 पार

‘टीव्ही 9’ इम्पॅक्ट : एपीएमसीत हजारो कामगारांची कोरोना चाचणी, आणखी 59 जणांना लक्षणं

राज्यात जीवनावश्यक नसलेल्या दुकानांना सशर्त परवानगी, मुंबई-पुण्यातील निर्बंध कायम

Lockdown : लॉकडाऊनमध्ये राज्यात 91 हजार गुन्हे, 3 कोटी 25 लाखांचा दंड

Total Corona Patient in Maharashtra