ढगफुटी सदृश पाऊस, अंगावर काटा आणणारा व्हिडीओ पुढे, वर्ध्यातील..
राज्यात सर्वदूर पाऊस कोसळत आहे. त्यामध्येच भारतीय हवामान विभागाने आज पावसाचा मोठा इशारा दिला. अनेक भागात पूर आलेत. यादरम्यानच एक व्हिडीओ तूफान व्हायरल होत आहे. व्हायरल व्हिडीओत ढगफुटी सदश्य परिस्थिती निर्माण झाली.
राज्यात सर्वदूर पाऊस सुरू आहे. त्यामध्येच आज भारतीय हवामान विभागाने अनेक जिल्ह्यांमध्ये रेड अलर्ट जारी केला. धरणे ओव्हर फ्लो झाली आहेत. काही जिल्ह्यांमध्ये पावसाच्या पार्श्वभूमीवर शाळांना सुट्टीही जाहीर करण्यात आली. पूरस्थिती निर्माण झाली. अनेक पूल पाण्यासाली गेलेत. विदर्भात मुसळधार पाऊस सुरू आहे. आज काही भागात अतिवृष्टीचाही इशारा देण्यात आला. यादरम्यानच एक व्हिडीओ सोशल मीडियावर तूफान व्हायरल होत आहे. या व्हिडीओमध्ये ढगफुटीसारखा पाऊस होताना दिसत आहे. अंगावर काटा आणणारा हा व्हिडीओ व्हायरल होतोय. वर्धा येथील पुलगाव जवळील वरूड बगाजी डॅम परिसरातील व्हिडीओ व्हायरल होत आहे. वरूड बगाजी डॅम येथे ढगफुटी सदृश परिस्थिती निर्माण झाली. थेट ढगफुटीसारखा पाऊस कोसळताना दिसत आहे.
व्हिडीओमध्ये दिसत आहे की, ढगखाली येत आहेत. जोराचा वारा सुटला आहे. यादरम्यान काळोखा झाला. प्रचंड वारा आणि पाऊस दिसत आहे. वरूड बगाजी डॅमवर ढगफुटी सदश्य परिस्थिती बघायला मिळाली. अचानक एकाच वेळी अतिपाऊस दिसत आहे. विदर्भातील अनेक जिल्ह्यात आज पावसाचा इशारा देण्यात आला. यासोबतच अतिवृष्टीचा इशारा आहे.
राज्यात पुढील काही दिवस पावसाचा जोर कायम राहण्याचा अंदाज आहे. नाशिक, यवतमाळ आणि अमरावतीमध्ये रेड अलर्ट देण्यात आला. त्यातच वरूड बगाजी डॅम येथे ढगफुटी सदृश पाऊस झाला. ही सर्व घटना कॅमेऱ्यात कैद झाली. ज्यावेळी ढगफुटी सदृश पाऊस झाला, त्यावेळी डॅमवर काही लोक उपस्थित होते. त्यांनीच हा सर्व प्रकार कॅमेऱ्यात कैद केला.
वाशिम, वर्धा, अमरावती, यवतमाळमध्ये मुसळधार पाऊस सुरू आहे. रात्रभर झालेल्या जोरदार पावसानंतर अनेक नदी नाल्यांना पूर आला. त्यामुळे काही ठिकाणी रस्ते खचले तर काही मार्ग वाहतुकीसाठी बंद झालेत. त्यामध्ये मालेगाव तालुक्यातील वाघळूद ते हिवरा रस्त्यावरील पूल वाहून गेलाय तर रिसोड तालुक्यातील पारडी ते बेलखेडा रस्ता काही काळ बंद झाला होता. अनेक पूल पाण्याखाली गेली आहेत.
