Weather Forecast : विदर्भात आजही पावसाची शक्यता,आयएमडीकडून यलो ॲलर्ट जारी
नागपूर, भंडारा, गोंदिया, गडचिरोली, वर्धा, चंद्रपूर, या जिल्ह्यांना यलो अॅलर्ट देण्यात आलाय. तर नांदेड, हिंगोली, परभणी आणि जालना, औरंगबाद जिल्ह्यात पाऊस होऊ शकतो, असं सांगण्यात आलं आहे.
पुणे : भारतीय हवामान विभागाच्यावतीनं वर्तवेलल्या अंदाजानुसार राज्यात मंगळवारी औरंगाबाद, अहमदनगर, वाशिम, अकोला, बुलडाणा,नागपूर, चंद्रपूर, नांदेडमध्ये पावसानं हजेरी लावली. विदर्भ मराठवाड्यात काही ठिकाणी गारपीठ देखील झाली. शेतीचं देखील मोठ्या प्रमाणावर नुकसान झालं असून आज देखील पूर्व विदर्भात पावसाची शक्यता आहे. आयएमडीनं विदर्भातील काही जिल्ह्यांना यलो अॅलर्ट जारी केला आहे.
आज पूर्व विदर्भाला यलो ॲलर्ट
नागपूर, भंडारा, गोंदिया, गडचिरोली, वर्धा, चंद्रपूर, या जिल्ह्यांना यलो अॅलर्ट देण्यात आलाय. तर नांदेड, हिंगोली, परभणी आणि जालना, औरंगबाद जिल्ह्यात पाऊस होऊ शकतो, असं सांगण्यात आलं आहे.
वेस्टर्न डिस्टर्बन्स व संबंधित वरच्या हवेच्या सायसरचा प्रभावाने, 28-30Dec,मध्य प्रदेश,विदर्भ,छत्तीसगडमध्ये हलका-मध्यम, तुरळक ते काही ठिकाणी पाउस. 28Dec प.मध्य प्रदेश,विदर्भ,झारखंड गडगडाटासह पाउस,गारपीट शक्यता. मध्य भारतात काही ठिकाणी 2 दिवसांनी किमान तापमान 2-4°C घसरण्याची शक्यता pic.twitter.com/E7qKFN9z4M
— K S Hosalikar (@Hosalikar_KS) December 28, 2021
राज्यात काल झालेल्या पावसाचा आढावा
बुलडाण्यात वीज पडून एकवीस शेळ्या मृत, खामगाव तालुक्यातील घटना
बुलडाणा जिल्ह्यातल्या खामगाव तालुक्यातील बटवाडी खुर्द शिवारात वीज पडून एकवीस शेळ्या मृत्युमुखी पडल्याची घटना घडलीय. त्यामुळे शेळीपालन कर्त्याचे लाखो रुपयांचे नुकसान झालेय. खामगाव येथील शेळीपालक अशोक पारखे गजानन हटकर आणि साहेबराव हटकर हे नेहमीप्रणे हिवरखेड सह शिराळा शिवारात शेळ्या चारत होते. मात्र, दुपारी अचानक वादळी वाऱ्यासह विजांचा कडकडाट झाला आणि अवकाळी पाऊस सुदधा झालाय.. यावेळी शेळ्यावर वीज पडली असता 21 शेळ्याचा मृत्यू झालाय.. प्रशासनाने पंचनामा करून शेळीपालन कर्त्याला मदत द्यावी अशी मागणी होतेय.
अकोल्यात अवकाळी पावसानं नागरिकांची तारांबळ
अकोल्यात अचानक आलेल्या जोरदार वारा आणि पाउस व गारपीटमुळे नागरिकांची तारांबळ उडाली होती. या पावसामुळे शहरातील डाबकी रोडवरील नालीचे पाणी रोडवर आल्याने या ठिकाणी तलावाचे स्वरूप आले होते.तर या पावसामुळे कृषी उत्पन्न बाजार समिती मधील व्यापाऱ्यांची तारांमबळ उडाली होती.
चंद्रपूरमध्ये रात्रीच्या वेळी पाऊस
राज्यातील वातावरण बदलाने चंद्रपूर जिल्ह्यात पाऊसधारा कोसळल्या आहेत. सकाळपासून ढगाळ असलेले वातावरण रात्रीच्या सुमारास बदलले. अचानक सोसाट्याच्या वा-यासह पाऊस बरसला. चंद्रपूर जिल्ह्यात नुकतीच थंडी परतली होती मात्र लगेच वातावरण बदलून आलेल्या पावसाने गारठ्यात वाढ झाली आहे.
इतर बातम्या:
खरेदी केंद्रावरच तुरीचा बाजार अवलंबून, नववर्षात लागणार खरेदीला मुहूर्त
Weather Forecast imd predicted unseasonal rain today in Marathwada and Vidarbha yellow alert