Delhi Metro: दिल्लीतील बंद करण्यात आलेली 16 मेट्रो स्टेशन पुन्हा सुरू

दिल्लीत कॉकरोच जनता पार्टीने केलेल्या आंदोलनामुळे, नवी दिल्ली आणि आसपासची १६ मेट्रो स्थानके पुढील सूचना मिळेपर्यंत बंद करण्यात आली होती. प्रवाशांच्या सोयीसाठी, राजीव चौक, मंडी हाऊस आणि सेंट्रल सेक्रेटरीएट या तीन इंटरचेंज स्थानकांवर मेट्रो लाईन बदलण्याची सुविधा कायम ठेवण्यात आली आहे.

दिल्ली मेट्रो रेल कॉर्पोरेशनने (DMRC) ट्विट करून माहिती दिली आहे की, सुरक्षा कारणांसाठी दिल्ली मेट्रोचे 16 स्टेशन पुढील आदेश येईपर्यंत बंद करण्यात आली होत. यामध्ये मुख्यतः ब्लू लाइनवरील स्टेशन आहेत. डीएमआरसीने सांगितले की, खालील स्टेशन पुढील निर्देश येईपर्यंत बंद ठेवण्याचा निर्णय घेण्यात आला होता. मात्र, राजीव चौक, मंडी हाउस आणि केंद्रीय सचिवालय या तीन स्टेशनांवर इंटरचेंज सुविधा सुरू होती, मात्र आता ही स्टेशन पुन्हा सुरू करण्यात आली आहेत.

पुन्हा सुरू करण्यात आलेली स्टेशन  

1. लोक कल्याण मार्ग
2. राजीव चौक
3. पटेल चौक
4. रामकृष्ण आश्रम मार्ग
5. बाराखंभा रोड
6. सुप्रीम कोर्ट
7. सेवा तीर्थ
8. जनपथ
9. मंडी हाउस
10. केंद्रीय सचिवालय
11. आयटीओ (ITO)
12. दिल्ली गेट
13. इंद्रप्रस्थ
14. खान मार्केट
15. जोर बाग
16. शिवाजी स्टेडियम

Service Update

Below mentioned Metro stations have been closed till further instructions. However, Interchange facility shall remain available at Rajiv Chowk, Mandi House and Central Secretariat.

1. Lok Kalyan Marg 2. Rajiv Chowk 3. Patel Chowk 4. Ramakrishna Ashram Marg 5.…

— Delhi Metro Rail Corporation (@OfficialDMRC) July 22, 2026

या स्टेशनवर प्रवेश (एंट्री) आणि बाहेर पडणे (एक्झिट) दोन्ही बंद करण्यात आले होते. मात्र, प्रवाशांच्या सोयीसाठी तीन इंटरचेंज स्टेशनवर एका लाइनमधून दुसऱ्या लाइन बदलण्याची सुविधा सुरू ठेवण्यात आली आहे. दुपारी या 16 मेट्रो स्थानकांमधून बाहेर पडता किंवा प्रवेशही करता येत नव्हता, मात्र आता ही स्थानके पुन्हा सुरू करण्यात आली आहेत. यापूर्वी २० आणि २१ जुलै रोजीही कॉकरोच जनता पार्टीच्या संसद मार्चमुळे डीएमआरसीने अनेक मेट्रो स्टेशन बंद केले होते. नंतर सुरक्षा आणि सोयीचा विचार करून ती सेवा पुन्हा सुरू करण्यात आली होती.