आज अमृतसरमध्ये ‘आप’चा भव्य रोड शो; अरविंद केजरीवाल, भगवंत मान होणार सहभागी
पंजाब निवडणुकीत मिळालेल्या ऐतिहासिक विजयानंतर आता आज आम आदमी पार्टीच्या वतीने अमृतसरमध्ये भव्य रोड शोचे (Mega Road Show) आयोजन करण्यात येणार आहे. या रोड शोमध्ये आपचे सर्वेसर्वा अरविंद केजरीवाल (Arvind Kejriwal) आणि आपचे पंजाबमधील मुख्यमंत्रीपदाचे उमेदवार भगवंत मान सहभागी होणार आहेत.
अमृतसर : दोन दिवसांपूर्वीच पाच राज्यातील विधानसभा निवडणुकींचा निकाल हाती आला. यापैकी चार राज्यात उत्तर प्रदेश, उत्तराखंड, मणिपूर आणि गोव्यात भाजपाची सत्ता आली तर पंजाबमध्ये आपने बाजी मारली. आपने पंजबामध्ये (Punjab Assembly election) एकहाती सत्ता मिळवली आहे. आपचा हा विजय काँग्रेससाठी मोठा धक्का माणण्यात येत आहे. दरम्यान पंजाब निवडणुकीत मिळालेल्या या ऐतिहासिक विजयानंतर आता आज आम आदमी पार्टीच्या वतीने अमृतसरमध्ये भव्य रोड शोचे (Mega Road Show) आयोजन करण्यात येणार आहे. या रोड शोमध्ये आपचे सर्वेसर्वा अरविंद केजरीवाल (Arvind Kejriwal) आणि आपचे पंजाबमधील मुख्यमंत्रीपदाचे उमेदवार भगवंत मान सहभागी होणार आहेत. नियोजित कार्यक्रमानुसार केजरीवाल आज सकाळी आकरा वाजता अमृतसर विमानतळावर पोहचल्यानंतर दुपारी दोन वाजता रोड शोला सुरुवात होणार आहे.
भगत सिंह यांच्या गावी घेणार मुख्यमंत्रीपदाची शपथ
भगवंत मान यांची विधीमंडळ पक्षाचा नेते म्हणून निवड करण्यात आली आहे. ते येत्या 16 मार्चला मुख्यमंत्रीपदाची शपथ घेणार आहेत. मान हे पंजाबच्या खटकड या गावात शपथ घेणार आहेत. खटकड गाव हे स्वातंत्रसैनिक भगत सिंह यांचे मुळ गाव आहे. पंजाबमध्ये आपला प्रचंड बहुमत मिळाले आहे. आतापर्यंतच्या इतिहासात जनतेचा एवढा कौल राज्यात कोणत्याच पक्षाला मिळाला नव्हता. 1992 साली काँग्रेसचे 87 आमदार निवडून आले होते. मात्र आपचे तब्बल 92 आमदार निवडून आल्याचे केजरीवाल यांनी म्हटले आहे.
जनतेच्या सुरक्षेला प्राधान्य – मान
दरम्यान यावेळी बोलताना मान यांनी म्हटले आहे की, पंजाबचा विकास आणि तेथील जनतेला सुरक्षीत वातावरण उपलब्ध करून देणे यालाच आमचे सर्वोच्च प्राधान्य असणार आहे. पंजाबमध्ये अधिकाधिक पायाभूत सुविधांचा विकास कसा होईल यासाठी आम्ही प्रयत्न करणार असल्याचे मान यांनी म्हटले आहे.
संबंधित बातम्या
यूपीचा घाव वर्मी; पराभवाच्या आघातानंतर काँग्रेसमध्ये मंथन सत्र, दिवसभरात दौन बैठका
