इकडे मोदींची सर्वपक्षीय बैठक, तिकडे हवाई दलप्रमुख लेहमध्ये दाखल, मिराज आणि सुखोई विमानं सज्ज

चीनसोबतच्या संघर्षानंतर भारताचे हवाई दलप्रमुख लेहच्या हवाईतळावर दाखल झाले आहेत. सूत्रांनी याबाबतची माहिती दिली. (Air Force Chief Visits Ladakh)

इकडे मोदींची सर्वपक्षीय बैठक, तिकडे हवाई दलप्रमुख लेहमध्ये दाखल, मिराज आणि सुखोई विमानं सज्ज

श्रीनगर : चीनसोबतच्या संघर्षानंतर पंतप्रधान नरेंद्र मोदी हे सर्वपपक्षीय नेत्यांशी चर्चा करत असताना, तिकडे हवाई दलप्रमुख लेहच्या हवाईतळावर दाखल झाले आहेत. सूत्रांनी याबाबतची माहिती दिली. भारत आणि चीनमधील संघर्ष वाढला आहे. चीनने विश्वासघात करत केलेल्या हल्ल्यात भारताचे 20 जवान शहीद झाले. त्यामुळे देशभरात संतापाची लाट आहे. अशा परिस्थितीत लडाखमध्ये भारतीय हवाईदल सज्ज झालं आहे. (IAF Chief R K Bhadauria visits ladakh )

भारताची वायूसेना अलर्ट असून, स्वत: वायूदलाचे प्रमुख RKS भदौरिया बुधवारी रात्री लेहमध्ये दाखल झाले आहेत. सूत्रांनी ही माहिती दिली असली तरी हवाई दलाच्या प्रवक्तांकडून याबाबत अधिकृत पुष्टी होऊ शकलेली नाही. (IAF Chief R K Bhadauria visits ladakh )

तणावाच्या स्थितीत हवाई दलप्रमुखांनी लेह-लडाख भागाचा दौरा केल्याने त्याला विशेष महत्त्व आहे. सूत्रांनी दिलेल्या माहितीनुसार RKS भदौरिया बुधवारी रात्री श्रीनगर-लेह या एअरबेसवर पोहोचले. त्याआधी त्यांनी चीफ ऑफ डिफेन्स (CDS) बिपीन रावत आणि लष्करप्रमुख एम एम नरवणे यांची भेट घेतली.

चीनसोबतच्या संघर्षात बॉर्डरवरील लेह आणि श्रीनगर हे भारतीय हवाईतळ अत्यंत महत्त्वाचे आहेत. त्यामुळेच स्वत: RKS भदौरिया यांनी घटनास्थळी जाऊन, आवश्यक तयारीचा आढावा घेतला.

दरम्यान, भारतीय हवाई दलाने मिराज 2000 हे विमान लडाखच्या दिशेने पाठवलं आहे. हे तेच विमान आहे ज्याने बालकोटमध्ये एअर स्ट्राईक केला होता. त्याआधी सुखोई-30 हे लढाऊ विमानही अलर्ट ठेवण्यात आलं आहे.

चीनचीही तयारी
दुसरीकडे चीननेही अपाचे आणि चिनूक ही लढाऊ हेलिकॉप्टर लडाखजवळ तैनात करुन ठेवली आहेत. जवानांना मदत मिळवण्याच्या हेतून त्यांनी ही हेलिकॉप्टर सज्ज ठेवली आहेत. अपाचे हे हेलिकॉप्टर कोणत्याही कठीण परिस्थितीत काम करु शकतं.

लेह परिसरात भारतीय वायूदलाच्या हालचाली
चीनसोबतच्या संघर्षानंतर भारतीय हवाई दलाने श्रीनगर, अम्बाला, आदमपूर, हलवाडा यासारख्या क्षेत्रातही नजर ठेवली आहे. लेह हवाईतळावर विशेष लक्ष ठेवण्यात येत आहे.

बरेलीतील हवाईतळही अलर्ट
चिनी संघर्षानंतर लेहचं हवाईतळ अलर्टवर असताना, इकडे तिबेट रिजनजवळ असलेल्या बरेली हवाईतळही अलर्ट ठेवण्यात आलं आहे. चीनने विश्वासघात करुन 15 जूनच्या रात्री भारतीय जवानांनावर हल्ला केला. यामध्ये 20 भारतीय जवान शहीद झाले आहेत. चीनच्या या रडीच्या डावाविरोधात भारतात संतापाची लाट आहे.

IAF Chief R K Bhadauria visits

संबंधित बातम्या  

PM Modi All Party Meet Live | मोदींच्या अध्यक्षतेत सर्वपक्षीय बैठक सुरु, भारत-चीन तणावावर चर्चा 

कमेंट करा

कमेंट करा

Your email address will not be published. Required fields are marked *