शेतकऱ्याचे नशीब उजळलं, खंदक खोदताना सापडले घबाड, सोन्याच्या नाण्यांचा खजाना पाहून डोळे चमकले..
जनावरांना रोखण्यासाठी खंदक खणताना शेतकऱ्यांना चक्क गुप्त खजानाच सापडला आहे. या खजाना अत्यंत पुरातन असल्याचे म्हटले जात आहे.
कर्नाटकातील एका गावातील एका शेतकऱ्याला जनावरांसाठी खंदक खोदताना अचानक मोठा खजाना सापडल्याची घटना घडली आहे. या खंदकात चक्क सोन्याची नाणी सापडल्याने खंदक खोदणाऱ्यांचे डोळे चमकले. ही सोन्याची नाणी नेमकी कोणत्या काळातील आहेत याचा शोध घेतला जात आहे.
कर्नाटकाच्या बेळगाव जिल्ह्यातील इंचल गावातील बीसीएम (BCM) वसतिगृहाजवळ ‘व्हीबी जी आरएएम जी’ (VB G RAM G) योजनेअंतर्गत काम करणाऱ्या चार जॉब कार्डधारकांना २९ ऑगस्ट रोजी जनावरांना रोखण्यासाठी खंदक खोदताना चक्क सोन्याची नाणी सापडल्याची घटना घडली आहे, ही सोन्याची नाणी ५४.८८ ग्रॅम वजनाची असून एकूण १४ सोन्याची प्राचीन नाणी सापडली आहेत.
बेळगाव जिल्ह्यातील इंचल गावातील बीसीएम (BCM) वसतिगृहाजवळ ‘व्हीबी जी आरएएम जी’ (VB G RAM G) योजनेअंतर्गत काम करणाऱ्या चार जॉब कार्डधारकांना २९ ऑगस्ट रोजी जनावरांना रोखण्यासाठी खंदक खोदताना ५४.८८ ग्रॅम वजनाची १४ प्राचीन सोन्याची नाणी सापडली.
रस्ते योजनेचे काम करणारे कामगार अप्पाण्णा तलवार, यल्लाप्पा कारीगर,केंचप्पा बंदगी आणि भीमण्णा तलवार यांना ही खंदक खणताना चमकणारी वस्तू सापडली. त्यांनी माती नीट साफ केली तेव्हा ही सोन्याची नाणी असल्याचे लक्षात त्यांच्या त्यांच्या डोळ्यांवर विश्वासच बसेना. मात्र, हे गुप्तधन रस्त्यावरील मैदानात सापडल्याने हे सोने सरकारी जमा करावे लागणार असल्याने कळताच त्यांच्या आशेवर पाणी फेरले.
४ सप्टेंबर रोजी ही नाणी सरकारी अधिकाऱ्यांकडे सुपूर्द करण्यात आली आहेत. ही नाणी सरकारी तिजोरीत जमा करण्यात आली असून, तज्ज्ञ आणि इतिहास कार या सोन्याच्या नाण्यांची कार्बन टेस्ट करुन ती कोणत्या काळातील आहेत याचा अभ्यास करत आहेत. त्याबाबतची माहिती त्यानंतरच मिळेल असे म्हटले जात आहे.या १४ सोन्याच्या प्रत्येक नाण्यांचे वजन सुमारे ३.९१ ग्रॅम इतके आहे.
