परिणीती चोप्रा हिचा पती थेट म्हणाला, पिक्चर बाकी है… राघव चड्ढाचे आपच्या नेत्यांना प्रत्युत्तर..
बॉलिवूड अभिनेत्री परिणीती चोप्रा कायमच तिच्या खासगी आयुष्यामुळे चर्चेत असते. परिणीती चोप्रा हिचा पती आणि खासदार राघव चड्ढा आम आदमी पार्टीसोबतच्या वादामुळे चर्चेत आहे. सतत गंभीर आरोप केली जात आहेत.
बॉलिवूड अभिनेत्री परिणीती चोप्रा आणि आम आदमी पक्षाचे राज्यसभा खासदार राघव चड्ढा सध्या तूफान चर्चेत आहेत. राघव चड्ढा आणि आम आदमी पार्टी यांच्यातील मतभेद पुढे आले. थेटपणे व्हिडीओ तयार करून आपल्याच पार्टीविरोधात बोलताना राघव चड्ढा दिसले. त्यांनी पक्षावर अनेक आरोप केली. त्यामध्येच सातत्याने त्यांच्याकडून विविध व्हिडीओ तयार करून काही प्रश्न उपस्थित केले जात आहेत. आम आदमी पक्षातील इतर लोकही थेट राघव चड्ढा विरोधात भूमिका घेताना दिसत आहेत. हे प्रकरण चांगलेच तापलेले असतानाच आता पुन्हा एकदा राघव यांनी पंजाबच्या मुद्द्यावर केलेल्या आरोपांवर प्रतिउत्तर देणारा व्हिडीओ शेअर केला. आता हा वाद अधिक टोकाला जाताना दिसत आहे. कोणीही थांबण्याचे नाव घेत नाही.
यादरम्यान राघव चड्ढा यांनी खास व्हिडीओ शेअर केला. त्यांनी व्हिडीओ शेअर करत लिहिले की, माझ्या आम आदमी पार्टीच्या सहकाऱ्यांसाठी… ज्यांना राघव चड्ढा संसदेत पंजाबचे प्रश्न मांडण्यात अपयशी ठरल्याची तक्रार करणारा व्हिडिओ प्रसिद्ध करण्यास भाग पाडले गेले, हा एक छोटा ट्रेलर आहे. अजून खरे पुढे येणे शिल्लकच आहे.
त्यांनी पुढे लिहिले की, पंजाब माझ्यासाठी फक्त एक चर्चेचा विषय नाही.. ते माझे घर… ते माझे कर्तव्य आहे… माझी माती.. माझा आत्मा आहे. व्हिडीओमध्ये राघव चड्ढा पंजाबमध्ये जमिनीवर उतरून काम करताना दिसत आहेत. यादरम्यान त्यांनी पंजाबमध्ये नक्की काय काय काम केले आणि लोकांच्या समस्या कशा जाणून घेतल्या हे व्हिडीओमध्ये दिसत आहे.
To my colleagues in AAP who were forced to issue videos saying that “Raghav Chadha failed to raise Punjab’s issues in Parliament”, here is a small trailer…Picture Abhi Baaki Hai.
Punjab isn’t a talking point for me. It is my home, my duty, my soil, my soul❤️ pic.twitter.com/qdTMHK4sqU
— Raghav Chadha (@raghav_chadha) April 5, 2026
व्हिडिओमध्ये राघव चड्ढा यांनी एमएसपीच्या कायदेशीर हमीची मागणी, पंजाबमधील पाण्याची टंचाई, शेतकऱ्यांच्या विविध मागण्या, पंजाबमधील घटणारे भूजल, शहीद भगत सिंग यांना भारतरत्न देण्याची मागणी, नदी पुनरुज्जीवन आणि पंजाबला पाणीपुरवठा, महाराजा रणजीत सिंग यांना राजगादी देण्याची मागणी या मुद्द्यांचाही उल्लेख केला, आता राघव चड्ढा यांनी शेअर केलेली ही पोस्ट तूफान व्हायरल होताना दिसतंय. यावर आम आदमी पार्टीकडून नक्की काय उत्तर देते हे पाहण्यासारखे ठरणार आहे.
