प्रेरणाने किरणला खुर्चीवर बसवून रुमालाने त्याचे डोळे बांधले, त्याला वाटलं गर्लफ्रेंड आज काही तरी वेगळं करतेय, पण रोमान्स करता, करता..

घरी कोणी नव्हतं, म्हणून प्रेरणाने तिच्या बॉयफ्रेंडला बोलावलं. एकांत मिळणार म्हणून किरण सुद्धा लगेच तिच्या घरी गेला. आज काहीतरी वेगळं करायचं म्हणून प्रेरणाने किरणचे रुमालाने डोळे बांधले, त्याला खुर्चीवर बसवलं. त्याचे हात-पाय बांधले. प्रेरणा हे सर्व करत असताना किरणने तिला विचारलं. हे काय करतेस, त्यावर तिने परदेशात जसं प्रपोज करतात, तसं करतेय असं सांगितलं. किरणने सुद्धा प्रेरणावर विश्वास ठेवला, त्याला काय माहित, तिच्या डोक्यात किती खतरनाक कट शिजला आहे. हे प्रकरण आहे दक्षिण बंगळुरुमधलं. प्रेरणा आणि किरण दोघे एका टेलिकॉमच्या दुकानात नोकरीला होते. प्रेरणा तिची आई आणि भावासह दक्षिण बंगळुरुमधील अंजानापुरा येथे राहते.

प्रेरणा आणि किरण दोघे 27 वर्षांचे असून ते टेलिकॉम दुकानात नोकरीला असताना त्यांच्या प्रेमसंबंध बहरले. वर्षभरापासून दोघे रिलेशनशिपमध्ये होते. नंतर प्रेरणाला असं वाटू लागलं की, किरण तिच्याकडे दुर्लक्ष करतोय. तिच्यासोबत लग्न करणार नाही. मंगळवारी प्रेरणाने घरी कोणी नसताना किरणला बोलावलं. किरण घरी आल्यानंतर प्रेरणा आधी त्याच्याशी थोडावेळ बोलली. नंतर रुमालाने त्याचे डोळे बांधले. त्याला खुर्चीवर बसवलं.

रोमान्सची ही नवीन पद्धत वाटली

किरणने तिला विचारलं तू हे काय करते आहेस, त्यावर तिने वेर्स्टन स्टाइलने तुला प्रपोज करतेय असं उत्तर दिलं. प्रेरणाने किरणला खुर्चीवर बसवून त्याचे हात-पाय बांधले. त्याने सुद्धा तिच्यावर संशय घेतला नाही. किरणला वाटलं की, रोमान्सची ही नवीन पद्धत आहे. पण प्रेरणाच्या डोक्यात प्रेम नव्हतं बदल्याचं खूळ होतं. किरण आता पूर्वीसारखा लक्ष देत नाही, ही तिची तक्रार होती.

तिने व्हिडिओ रेकॉर्डिंग केलं

डोळे, हात-पाय बांधल्यानंतर किरणची खुर्ची पेटवून दिली. तिने हे सर्व थंड डोक्याने केलं. धक्कादायक म्हणजे आपला प्रियकर आपल्या डोळ्यासमोर अशा पद्धतीने मरतोय याचं तिने व्हिडिओ रेकॉर्डिंग केलं. “आम्ही तरुणीला अटक केली आहे. चौकशीनंतर तिनेच किरणला जाळून मारल्याचं स्पष्ट होतं. दोघे रिलेशनशिपमध्ये होते. किरण आता पूर्वीसारखा आपल्याला महत्व देत नाही, असं तिला वाटत होतं. त्यातून तिने हे सर्व केलं” पोलीस उपायुक्त डीएल नागेश यांनी ही माहिती दिली.