Todays Gold Rate: महिन्याचा शेवट गोड, सोन्याचा भाव धडाम, 10 ग्रॅमसाठी फक्त आता…आजचा भाव किती?

Gold Rate On 31st August 2026:  गेल्या आठवड्यात साेनं आणि चांदीच्या किमतींमध्ये चढ-उतार सुरूच होता. आज, ३१ ऑगस्ट रोजी, आंतरराष्ट्रीय बाजारात सोने आणि चांदी या दोन्हींच्या किमती घसरल्या आहेत. आठवड्याची सुरुवात आणि महिन्याचा शेवट गोड झाल्याचे समजत आहे. आता उद्यापासून नवीन महिना सुरु होणार आहे. यापूर्वी या महिन्याच्या शेवटच्या दिवसी म्हणजे आज सोनं आणि चांदीच्या किमती किती कमी झाल्या आहेत ते पाहा…

कॉमेक्स (Comex) या आंतरराष्ट्रीय बाजारात सोने आणि चांदी या दोन्हींच्या किमती घसरल्या आहेत. कॉमेक्सच्या आकडेवारीनुसार, सोन्याचे भाव १.१५% ने घसरून प्रति औंस $४४७७.८० वर आले होते. चांदीचे भाव १.७१% ने घसरून प्रति औंस $६५.८५० वर व्यवहार करत आहेत.

सराफा बाजारात,  सोने आणि चांदी या दोन्हींच्या किमती घसरल्या आहेत. एमसीएक्स (MCX) वर सोन्याचे भाव प्रति १० ग्रॅम सुमारे ₹१.५४ लाखांपर्यंत घसरले आहेत. भारतात चांदीच्या दरातही घसरण झाली असून, ती प्रति किलोग्राम सुमारे ₹२.४० लाखांवर व्यवहार करत आहे.

मल्टी कमोडिटी एक्सचेंजवर, सोन्याच्या दरात ₹१,८८७ ची घसरण झाली असून, तो प्रति १० ग्रॅम ₹१,५४,३९४ वर व्यवहार करत आहे. सकाळी ९ वाजण्याच्या सुमारास चांदीच्या दरात ₹३,३९४ ची घसरण झाली असून, तो प्रति किलोग्राम ₹२,३९,०५० वर पोहोचला आहे. आता सणासुदीच्या काळात सोनं आणि चांदीच्या किमतीतील घसरण ही चाहत्यांसाठी आनंदाची बातमी ठरणार आहे. सणासुदीला लोक अधिक दागिने खरेदी करतात त्यामुळे जर याच काळात दागिन्यांच्या किमती कमी होणार असतील तर ग्राहकसांठी ती पर्वणीच ठरेल.

भारतात सोन्याच्या दरात मोठी घसरण झाली आहे. अशा परिस्थितीत, २४-कॅरेट सोन्याचा प्रति १० ग्रॅम सुमारे ₹१,५४,३९४ चा व्यवहार होत आहे, तर २२-कॅरेट सोन्याचा दर प्रति १० ग्रॅम सुमारे ₹१,४१,८३६ च्या आसपास आहे. दरम्यान, १८-कॅरेट सोन्याचा भाव प्रति १० ग्रॅम सुमारे ₹१,१६,०४८ आहे. तर, भारतात चांदीचा भाव प्रति किलोग्रॅम सुमारे ₹२,३९,०५० असल्याचे दिसून येत आहे.