आजच सोने खरेदी करा, सोन्याचे भाव वाढणार, भारतीय बँकांकडून मोठा निर्णय, थेट आयात..

इराण आणि अमेरिका युद्धात अगोदरच सोने आणि चांदीचे भाव अस्थिर झाले. उच्चांकानुसार सोने आणि चांदीच्या भावात मोठी घसरण आहे. आता सोने आणि चांदीबद्दल अत्यंत मोठी बातमी पुढे येत आहे. ज्यानंतर सोने आणि चांदीच्या भावात मोठी वाढ होऊ शकते. नुकताच मिळालेल्या रिपोर्टनुसार, भारतीय बँकांनी परदेशातून सोने आणि चांदीच्या आयातीच्या ऑर्डर थांबवण्याचा मोठा निर्णय घेतला. सीमा शुक्लामुळे ऑर्डर थांबवल्याची माहिती मिळत आहे. सरकारकडून सोने आणि चांदी आयातीबाबत कोणताही आदेश जारी करण्यात आला नाही. त्यानंतर बँकांनी परदेशातून सोने आयात थांबवण्याचा निर्णय घेतला. सरकारने अजूनही अधिसूचना जारी केली नाही. या घडामोडींमुळे देशात सोने आणि चांदीच्या भावात मोठी वाढ होण्याची शक्यता आहे.

सध्याच्या घडीला देशात उच्चांकापेक्षा सोन्याचे भाव कमी आहेत. मात्र, अचानकपणे सोन्याचे भाव वधारू शकतात. या निर्णयाने भारतात सोन्याची कमी निर्माण होऊ शकते. भारतात सोने आणि चांदी विदेशातूनच आयात होते. भारताचा स्वत:चा असा कोणताच सोर्स नाही. सरकारने सोने आणि चांदीबाबत सीमा शुल्क आदेश शेवटी एप्रिल 2025 मध्ये काढला होता. जो 31 मार्च 2026 पर्यंतच वैध होता आता बँक सरकारच्या नव्या आदेशाच्या प्रतिक्षेत आहेत.

जोपर्यंत सरकारकडून नवीन आदेश काढला जात नाही, तोपर्यंत बँक सोने खरेदी करणार नाहीत. रॉयटर्सच्या रिपोर्टनुसार, सराफा व्यापाऱ्याने आशा होती की, सरकार डीजीएफटी दरवर्षीप्रमाणे एप्रिलच्या सुरुवातीला हा आदेश जारी करेल. पण प्रत्यक्षात तसे घडले नाही. जवळपास 5 टन सोने सीमा शुल्क परवानगी न मिळत असल्याने अडकून पडले आहे. यासोबतच 8 टन चांदीही अडकून पडली आहे.

सरकारच्या या निर्णयामुळे कल्याण ज्वेलर्स अशा मोठ्या कंपन्यांचे शेअरही पडली आहेत. अक्षय तृतीया तोंडावर आहे. यादिवशी मोठ्या प्रमाणात सोने खरेदी केली जाते. यादरम्यानच ही बातमी पुढे येत आहे. इराण आणि अमेरिका युद्धात सोने आणि चांदीच्या भावात चांगलीच घसरण झाली. सोन्याचे भाव दोन लाखाच्या आसपास पोहोचला होता. आता 50 हजारांनी उच्चांकापेक्षा सोने स्वस्त झाले. यादरम्यानच ही वाईट बातमी सोने आणि चांदीबद्दल येत आहे.