गँग किंवा चोरट्याने नव्हे तर चक्क एका डॉगीने एक लाख रुपये पळवले – VIDEO
सध्या ही चोर डॉगी संपूर्ण परिसरात चर्चेचा विषय ठरली आहे.लोक या अजब घटनेवर चर्चा करत आहेत. या घटनेने एक धडा देखील दिला आहे की सार्वजनिक स्थळांवर मौल्यवान वस्तूंना हलगर्जीपणे ठेवणे नुकसानकारक ठरु शकते.
उत्तर प्रदेशातील बिजनौर जिल्ह्यात एक अजब आणि हैराण करणारा प्रकार घडला आहे. या घटनेने स्थानिक लोकही चक्रावले आहे. हा प्रकार शहरातील किल्लेवाली मशिदीच्या जवळ घडला आहे. येथे एका व्यापाऱ्याचे एक लाख रुपये ठेवलेली बॅग एका रस्त्यातील भटक्या कुत्रीने पळवली आहे. या घटनेनंतर व्यापाऱ्याने सीसीटीव्ही तपासले तेव्हा हा प्रकार त्यात दिसला आहे. या घटनेने संपूर्ण भागात या कुत्रीची चर्चा सुरु आहे.
डॉगी पैशांची बॅग घेऊन पसार झाली
मिळालेल्या माहितीनुसार व्यापाऱ्याने अलिकडेच बँकेतून एक लाख रपये कॅश काढली होती.हा व्यापारी काहीतरी कामासाठी बाजारात गेला होता. याच दरम्यान तो किल्लेवाल्या मशिदीत नमाज पढायला गेला. घाईघाईत त्या पैशाने भरलेली काळी बॅग मोटरसायकलवरच ठेवली आणि तो आत मशिदीत गेला. त्यानंतर ही काळ्या रंगाची डॉगी तेथे आली आणि तिने ही काळ्या रंगाची पिशवी तोंडात धरुन ती पसार झाली.
कोणालाच या घटनेची पत्ता लागला नाही. जेव्हा व्यापारी नमाज पढून बाहेर आला तर बाईकवरुन पिशवी गायब झाल्याची पाहून त्याला धक्का बसला. आधी त्याने आजूबाजूला शोधून पाहिले. लोकांना विचारुन पाहिले मात्र, कोणीच काही पाहिले नसल्याचे त्याला सांगितले. त्यानंतर या परिसरातील सीसीटीव्ही फुटेज तपासण्यात आले तेव्हा त्यांना धक्का बसला. फुटेज मध्ये जे दिसले ते पाहून सर्वांनाच धक्का बसला. कारण त्यात स्पष्ट दिसत होते की एक काळी डॉगी तेथे बाईकच्या जवळ आली, तिने बॅग तोंडात धरली आणि हळूहळू चालत ती तेथून निघून गेली.
येथे व्हिडीओ पाहा –
सोशल मीडिया पर एक सीसीटीवी फुटेज वायरल हो रहा है। फुटेज में एक काले रंग का कुत्ता नोटों से भरा बैग लेकर भागते दिख रहा है। फुटेज बिजनौर जिले का बताया जा रहा है। pic.twitter.com/vW9jUCHGhC
— Dinesh Rathour Journlist (@DineshRathour8) May 24, 2026
डॉगी आणि पैसे दोन्ही गायब
सीसीटीव्ही फुटेज समोर आल्यानंतर संपूर्ण परिसरात खळबळ उडाली आहे. स्थानिक लोक या प्रकाराला एक अविश्वसनीय घटना म्हणत आहेत. काही लोकांनी या हलगर्जीपणा म्हटले आहे. डॉगीला या पिशवीत काही तरी खायला मिळेल यामुळे तिने ती नेली असावी असे काही जण म्हणत आहे. तर काही जण याला नशीबाचा खेळ म्हणत आहेत. व्यापारी आणि स्थानिक लोकांनी अनेक जागांवर या बॅगेचा शोध घेतला.परंतू आतापर्यंत या बॅगेचा कोणताही ठाव ठिकाणा कळालेला नाही. पोलीसांना देखील या प्रकाराची माहिती देण्यात आली आहे.आजूबाजूच्या क्षेत्रात बॅगेचा तपास केला जात आहे.
