मोठी बातमी! युद्धाला सुरुवात? इस्रायलचा पहिला एअर स्ट्राईक; अनेकांचा मृत्यू, प्रचंड नुकसान, मध्य-पूर्वेत मोठा तणाव

मध्य पूर्वेत सध्या मोठा तणाव आहे. अमेरिका आणि इराण आमने-सामने आले आहेत. गेल्या वर्षी इराण आणि इस्रायलमध्ये भीषण युद्ध झालं होतं, त्यानंतर आता इराणमध्ये सुरू असलेल्या अण्विक प्रकल्पांवरून अमेरिका आणि इराणमध्ये मोठा संघर्ष निर्माण झाला आहे. अमेरिकेनं मध्य पूर्वेत आपल्या युद्ध नौका तैनात केल्या आहेत, तसेच सैन्यबळ देखील वाढवलं आहे. दरम्यान एका वृत्तानुसार तर इराणवर हल्ला नेमका कसा करायचा? याचा एक रिपोर्ट अमेरिकेच्या संरक्षण विभागानं अमेरिकेचे राष्ट्राध्यक्ष डोनाल्ड ट्रम्प यांच्याकडे सादर केल्याची माहिती समोर येत आहे, सध्या अमेरिकेत त्यावर चर्चा सुरू आहे. दरम्यान मध्य पूर्वेत आधीच इराण व अमेरिकेमुळे तणाव निर्माण झालेला असताना मोठी बातमी समोर येत आहे.

ती म्हणजे इस्रायलकडून लेबनॉनवर एअरस्ट्राईक करण्यात आला आहे. समोर आलेल्या माहितीनुसार हा हल्ला एवढा भीषण होता की या हल्ल्यामध्ये अनेक इमारती उद्ध्वस्त झाल्या आहेत, तसेच दहा लोकांचा मृत्यू झाला आहे. या हल्ल्यामध्ये जे लोक मारले गेले त्यातील अनेकजण हे हिज्बुल्लाह या संघटनेशी सबंधित होते.

याबाबत लेबनानच्या आरोग्य मंत्रालयाकडून देखील अधिकृत स्टेटमेंट देण्यात आलं आहे. या हल्ल्यासाठी इस्त्रायल जबाबदार आहे. या हल्ल्यामध्ये आतापर्यंत दहा जणांचा मृत्यू झाला असून, मृतांची संख्या आणखी वाढण्याची शक्यता आहे, असं लेबनानच्या आरोग्य मंत्रालयाकडून सांगण्यात आलं आहे, दरम्यान ज्यांचा मृत्यू झाला ते लोक हिज्बुल्लाहचे सदस्य होते की नव्हते? याबाबत लेबनानकडून कोणतीही माहिती देण्यात आलेली नाही. या हल्ल्यामध्ये अनेक इमारती उद्ध्वस्त झाल्या आहेत. एपीच्या रिपोर्टनुसार शुक्रवारी इस्रायलकडून लेबनानच्या उत्तर -पूर्वेला असलेल्या रायक गावावर हल्ला करण्यात आला आहे, या हल्ल्यामध्ये जवळपास, हिज्बुल्लाहचे आठ अधिकारी मारले गेल्याचं वृत्त आहे. या हल्ल्यात लेबनानचं मोठं नुकसान झालं आहे. लेबनॉनकडून या हल्ल्याचा निषेध करण्यात आला आहे. आता या एअर स्ट्राईकमुळे वातावरण तापण्याची शक्यता आहे, लेबनॉन काय भूमिका घेणार हे पहाणं महत्त्वाचं ठरणार आहे.