भूतबाधा काढण्याच्या नावाखाली भावाच्या बायकोवरच वासना शमवली, वहिनी विधीसाठी खोलीत येताच दीराने..
सोमवारी रात्री तंत्र-मंत्राचे विधी करण्यासाठी भावाच्या घरी आला. दारु, अंडी, नारळ अशा वस्तुंची त्याने व्यवस्था करायला सांगितली होती. सुरुवातीला त्याने त्याच्या भावावर काही विधी केले. त्याने त्याला खोलीतून निघून जायला सांगितलं.
काळी विद्या, भूत बाधा, जादू टोणा यात फसवणूकच होते. पेपर, टीव्ही, वेब साईटवर लोकांची फसवणूक झाल्याच्या बातम्या सतत येत असतात. तांत्रिकाने इतक्या लाखांना फसवलं किंवा महिलेवर अत्याचार केला. पण तरीही लोकांमध्ये अजून पूर्ण जागृती झालेली नाही. समाजातील एक वर्ग अजूनही अशा भूल थापांना बळी पडतो. भूतबाधा झाली म्हणून भूत काढण्याच्या नावाखाली लोकांना अक्षरश: लुटलं जातं. काहीवेळा स्त्रियांच्या अब्रूवर हात टाकला जातो. महाराष्ट्रात भोंदूबाबा अशोक खरातचं ताजं उदहारण आहे. या माणसाने कशा पद्धतीने स्त्रियांवर अत्याचार केले ते सर्वांसमोर आहे. आता असचं एक प्रकरण समोर आलं आहे. ज्यात कुटुंबातल्या माणसानेच भूतबाधा काढण्याच्या नावाखाली स्वत:ची वासना शमवून घेतली. हे मध्य प्रदेश भोपाळमधील प्रकरण आहे.
आरोपी मांत्रिकाने आधी गुप्त शाप लागल्याचं सांगून कुटुंबाला घाबरवलं. भूतबाधा उतरवण्याच्या नावाखाली या मांत्रिकाने स्वत:च्या वहिनीवर अत्याचार केले. सिविल लाइन पोलीस स्टेशनच्या हद्दीत ही घटना घडली. या प्रकरणात आरोपी मांत्रिक पेशाने मॅकेनिक आहे. पण, तो भूतबाधा उतरवण्याचे दावे करुन तांत्रिकाचही काम करतो. त्याने अलीकडेच भावाला सांगितलं की, तुझ्या कुटुंबावर कोणीतरी काळी जादू केली आहे. त्यानंतर भावाच्या कुटुंबाने शापातून मुक्तीसाठी उपाय सुचवण्याची विनंती केली.
दारु, अंडी, नारळ अशा वस्तुंची व्यवस्था
आरोपी सोमवारी रात्री तंत्र-मंत्राचे विधी करण्यासाठी भावाच्या घरी आला. दारु, अंडी, नारळ अशा वस्तुंची त्याने व्यवस्था करायला सांगितली होती. सुरुवातीला त्याने त्याच्या भावावर काही विधी केले. त्याने त्याला खोलीतून निघून जायला सांगितलं. आरोपीने भावाला सांगितलं की, तुझ्या पत्नीवर सफाईचे काही विधी केल्याशिवाय काळीजादू, भूतबाधेतून मुक्ती मिळणार नाही. तपास अधिकाऱ्याने ही माहिती दिली.
पत्नी बेशुद्धावस्थेत होती
भावाची पत्नी खोलीत येताच त्याने दरवाजाला आतून कडी लावून घेतली. आरोपीने तिच्या कपाळावर गुंगी आणणारं काहीतरी लावलं. हळूहळू महिलेची शुद्धा हरपत गेली. त्या स्थितीचा फायदा उचलून आरोपीने तिच्यावर बलात्कार केला. त्यानंतर तो तिथून निघून गेला. त्याने कुटुंबाला आश्वसत केलं की, तुमच्या कुटुंबावरची काळी सावली आता निघून गेली आहे. भाऊ आतमध्ये गेल्यानंतर पत्नी बेशुद्धावस्थेत होती. पत्नीला शुद्ध आल्यानंतर तिने तिच्यासोबत काय घडलं ते सांगितलं.त्यानंतर आरोपीविरोधात पोलीस स्टेशनमध्ये गुन्हा नोंदवण्यात आला.
