हे झाड घरापासून थोडं दुरच लावा, कायम असतो सापांचा डेरा, एखादा तरी साप दिसणारच

अनेकांच्या मनात सापांबद्दल उत्सुकता असते, मात्र तेवढीच भीती देखील असते. भारतामध्ये सापांच्या हजारो प्रजाती आढळून येतात. परंतु यातील सर्वच प्रजाती या काही विषारी नसतात. मात्र दिसणारा प्रत्येक साप हा विषारीच असतो, असा गैरसमज आपल्या मनात असल्यामुळे आपण साप दिसला की त्याला लगेच मारतो. असं न करता जर तुमच्या सोसायटीमध्ये, घरात किंवा बागेत कुठेही साप आढळून आल्यास त्याची माहिती सर्पमित्रांना द्यावी, ते सापांना त्याच्या सुक्षित अधिवासामध्ये सोडतील. भारतामध्ये सापांच्या केवळ चारच प्रजाती या विषारी आहेत, ज्यामध्ये कोबरा, मण्यार, फुरसे, घोणस या चार जातींचा समावेश होतो. ज्याला बीग फोर असं देखील म्हटलं जातं.

साप घरात येऊ नये यासाठी काही गोष्टींची काळजी घेणं गरजेचं असतं. जसं की पावसाळ्याच्या दिवसांमध्ये बागेमध्ये गवत न वाढू देणं, बागेत स्वच्छता ठेवणं, त्याच सोबत घरात देखील अशा काही जागा असतात, जिथे साप सहज लपू शकतो. त्यामुळे अशा जागा शोधून तिथे कुठलीही अडचण नसेल याची खात्री करणं असे विविध उपाय आपण करू शकतो. परंतु असे देखील काही झाडं असतात, जी झाडं त्यांच्या नैसर्गिक गुणधर्मांमुळे सापांना आपल्याकडे आकर्षित करतात. अशी झाडं शक्यतो घरापासून थोडीच दूरच लावावीत.

यातीच एक झाड आहे, ते म्हणजे कन्हेराचं झाडं. या झाडाला सुंदर अशी लाल फुलं येतात. परंतु या झाडाकडे साप लवकर आकर्षित देखील होतात. याचं कारण म्हणजे या झाडाच्या मुळांशी कायम ओल असते, कारण या झाडाला शेंड्यापासून ते थेट खाली मुळापर्यंत दाट पानं असतात. लपण्यासाठी जागा आणि कायम ओल असल्यामुळे या झाडाच्या अवतोभोवती उंदीर, घुशी, बेडूक असे प्राणी सतत येतात.  त्यामुळे या ठिकाणी सापं देखील येतात, कारण त्यांना इथे सहज शिकार सापडते. तसेच या झाडाभोवतालची जमीन भुसभुशीत असल्यामुळे अनेकदा उंदीर या ठिकाणी बीळं देखील करतात. सापांना या ठिकाणी आयती बीळं देखील मिळतात, त्यामुळे अशा झाडांच्या परिसरात अनेकदा साप आढळून येतात.