मोठी बातमी! जंतर मंतरवर मोठा गोंधळ, अभिजित दीपके यांच्यावर थेट…नेमकं काय घडलं?
आमचे आंदोलन दडपून टाकण्याचा प्रयत्न केला जातोय, असा दावा सीजेपीचे संस्थापक अभिजित दीपके यांच्याकडून केला जातोय. दरम्यान, आता आंदोलनस्थळी मोठ्या घडामोडी घडत आहेत. अभिजित दीपके यांच्यावर थेट शाईफेक झाल्याची माहिती समोर आली आहे.
CJP Abhijeet Dipke Protest : सध्या दिल्लीतील जंतर-मंतर मैदानावर कॉकरोच जनता पार्टी म्हणजेच सीजेपीचे आंदोलन सुरू आहे. याच आंदोलनामध्ये सामाजिक कार्यकर्ते सोनम वांगचूक हे बेमुदत अन्नत्याग आंदोलनाला बसलेले आहेत. त्यांच्या उपोषणाचा आजचा 21 वा दिवस आहे. दरम्यान, 21 व्या दिवशी मात्र त्यांची प्रकृती खालावली आहे. त्यांना एकीकडे रुग्णालयात दाखल करण्यात आले आहे. तर दुसरीकडे आमचे आंदोलन दडपून टाकण्याचा प्रयत्न केला जातोय, असा दावा सीजेपीचे संस्थापक अभिजित दीपके यांच्याकडून केला जातोय. दरम्यान, आता आंदोलनस्थळी मोठ्या घडामोडी घडत आहेत. अभिजित दीपके यांच्यावर थेट शाईफेक झाल्याची माहिती समोर आली आहे.
महिलेने जवळ जाऊन केली शाईफेक
मिळालेल्या माहितीनुसार अभिजित दीपके यांच्यावर दिल्लीच्या जंतर मंतर मैदानावर भाषण करताना एका महिलेने शाईफेक केली आहे. या घटनेचा व्हिडीओ समोर आला आहे. व्हिडीओमध्ये अभिजित दीपके भाषण करताना दिसत आहेत. भाषण चालू असतानाच एक महिला त्याच्याजवळ गेल्याचे दिसत आहेत. जवळ जाऊन महिलेने अभिजित दीपके यांच्यावर शाईफेक केली आहे.
शाईफेकीची ही घटना घडताच काही काळासाठी जंतर मंतरवर गोंधळाचे वातावरण निर्माण झाले. दीपके यांच्या समर्थकांनी गोंधळ घातला. तर दुसरीकडे काही आंदोलनकर्त्यांनी संंबंधित महिलेला पकडून ठेवले. दरम्यान, संबंधित महिलेने दीपके यांच्यावर शाईफेक का केली, याचे नेमके कारण अद्याप समोर आलेले नाही.
VIDEO | Delhi: A woman throws ink at Cockroach Janata Party (CJP) founder Abhijeet Dipke at Jantar Mantar leading to chaos at the protest site. More details are awaited.#JantarMantar #Delhi #CJP
(Full video available on PTI Videos – https://t.co/n147TvrpG7) pic.twitter.com/VF5sG18fC2
— Press Trust of India (@PTI_News) July 18, 2026
आम्हाला मोदी यांचा राजीनामा हवा
दरम्यान, दुसरीकडे सोनम वांगचूक यांचीही प्रकृती खालावली आहे. त्यांना दिल्लीमधील सफदरगंज रुग्णालयात दाखल करण्यात आले आहे. सोनम वांगचूक यांच्या शरीरातील पाण्याची पातळी खालावली आहे. परंतु त्यांनी उपचार घेण्यास मनाई केली आहे. त्यामुळे आता दिल्लीतील या आंदोलनाचे नेमके काय होणार? हे पाहणे महत्त्वाचे ठरणार आहे. पोलिसांकडून आमचे आंदोलन चिरडण्याचे काम केले जात आहे. पण आमचे हे आंदोलन संपणार नाही. ते चालूच असेल. आता आम्हाला पंतप्रधान नरेंद्र मोदी यांचाही राजीनामा हवा आहे, अशी भूमिका अभिजित दीपके यांनी घेतली आहे.
