सुरतमधील रघुवीर मार्केटमध्ये भीषण आग, फायर ब्रिगेडच्या 40 गाड्या घटनास्थळी
गुजरातमधील सुरतमधल्या गजबजलेल्या रघुवीर मार्केटमध्ये मंगळवार पहाटेच्या सुमारास आगीचा भडका उडाला
सुरत : सुरतमधील रघुवीर मार्केटमध्ये भीषण आग (Surat Raghuveer Market Fire) लागली आहे. अग्निशमन दलाच्या 40 गाड्या घटनास्थळी आग विझवण्याचे प्रयत्न करत आहेत. सुदैवाने आगीत कोणत्याही जीवितहानीचं वृत्त नाही.
गुजरातमधील सुरतमधल्या गजबजलेल्या रघुवीर मार्केटमध्ये आज (मंगळवारी) पहाटेच्या सुमारास आगीचा भडका उडाला. आगीचं कारण अद्याप अस्पष्ट असलं तरी शॉर्ट सर्किटमुळे आग लागल्याचा प्राथमिक अंदाज आहे.
दहामजली मार्केटच्या सातव्या मजल्यावर आग लागल्याची माहिती आहे. अग्निशमन दलाच्या 40 गाड्या आगीवर नियंत्रण मिळवण्याचा प्रयत्न करत आहेत.
Gujarat: Fire breaks out in Raghuveer Market in Surat. 40 fire tenders at the spot pic.twitter.com/k0FQRpyFTM
— ANI (@ANI) January 21, 2020
सुरतमध्ये काही महिन्यांपूर्वीच कोचिंग क्लासमध्ये लागलेल्या आगीत वीस विद्यार्थ्यांना प्राण गमवावे लागले होते. भीषण अग्नितांडवाच्या घटनेला अवघे काही महिने उलटल्यानंतरही आगीच्या घटनांवर नियंत्रण मिळवण्याच्या काहीच उपाययोजना न झाल्याने आश्चर्य व्यक्त केलं जात आहे.