मोबाईलवर सकाळी घाबरलात Emergency Alert Severe चा मेसेज पाहून ?, सरकारने सांगितलंय या मेसेज मागचं कारण
दूरसंचार विभागाने (DoT) आज देशातील अनेक नागरिकांना त्यांच्या मोबाईलवर एक संदेश पाठविला होता. काय आहे टेस्क्ट मॅसेज ? तो का पाठविण्यात आला होता.
नवी दिल्ली | 20 जुलै 2023 : सध्या पावसाने राज्यात कहर केला आहे. अनेक ठिकाणी नैसर्गिक संकटामुळे अनेकांचे प्राण गेले. जर आपल्या फोनवर 20 जुलै रोजी एक इमर्जन्सी अलर्ट आला असेल आपल्या घाबरण्याची गरज नाही. गुरुवारी सकाळी 10 वाजता लोकांच्या मोबाईल फोनवर Emergancy Alert : severe मॅसेज आला आहे. या मॅसेज बरोबरच आणखी एक मॅसेज आला आहे. त्यावर अनेकांचे कदाचित लक्ष गेले नसावे. काय आहे हा प्रकार पाहूया…
वास्तविक हा मॅसेज केंद्रीय दूरसंचार विभागाने पाठविला आहे. दूरसंचार विभागाने म्हटले आहे की हा एक टेस्टींग मॅसेज आहे. हा संदेश एक इमर्जन्सी ट्रायल म्हणजे रंगीत तालिम होती. त्यामुळे पुर किंवा नैसर्गिक संकटात नागरिकांना केंद्र सरकार अलर्ट करणार आहे. यापूर्वी युनायटेड किंगडम म्हणजे इंग्लंडमध्ये देखील मोबाईल फोन अलर्ट सिस्टम ही प्रणाली वापरली गेली आहे. आता आपल्या देशातही एकाच वेळी जनतेला सावध करण्यासाठी अशी प्रणाली वापरण्यात येणार आहे. काय आहे ही यंत्रणा पाहूयात..
आपल्या फोनमध्ये कसा सुरु करायचा अलर्ट
अनेक मोबाईल फोनमध्ये हा अलर्ट डिफॉल्ट रुपात ऑनच असतो. त्यामुळे पूर, अतिवृष्टी किंवा भूकंप सारख्या नैसर्गिक संकटाच्या स्थितीत लोकांना सावध रहाण्यास संदेश देता येत असतो. जर तुमच्या फोनमध्ये ही सेटींग जर ऑन नसेल तर तुम्ही ही सेटींग ऑन करुन घेऊ शकता. जर तुमच्याकडे आयफोन असेल तर सेटींगमध्ये जाऊन नोटिफिकेशनवर जाऊन क्लिक करुन गव्हर्नमेंट अलर्ट ला ऑन करावा. जर तुम्हाला असे अलर्ट नको असतील तर सेटिंगमध्ये ऑफ करावे लागेल.एड्रॉईड फोन असेल तर या सेटींगला ऑन किंवा ऑफ करता येईल. याकरीता फोनच्या सेटींगमध्ये जाऊन सेफ्टी आणि इमर्जन्सी वर क्लिक करावे लागेल. त्यानंतर वायरलेस इमर्जन्सी अलर्ट वर जाऊन क्लिक करुन त्याला ऑन किंवा ऑफ करावे लागेल.
