HIV : तब्बल 350 लोक HIV पॉझिटिव्ह, सहज चाचणी केली अन् धक्काच बसला!
एचआयव्हीची लागण असल्याचे समोर आलेल्यांपैकी 351 जण उपचार घेत असल्याचे समोर आले आहे. तर उरलेल्या सहा जाणांवर अद्यापही उपचार बाकी आहेत. त्यांना एचआयव्हीची लागण झाल्याचे माहितीच नव्हते.
HIV Positive : एचआयव्ही हा विषाणू जीवघेणा आहे. माणसाला या विषाणूचे एकदा संक्रमण झाले की हळूहळू प्रकृती खालावत जाते. त्यानंतर व्यक्तीला एड्स हा आजार जडतो. एचआयव्हीची लागण झाल्याचे योग्य वेळी न समजल्यास नंतर त्याचे गंभीर परिणाम उद्भवू शकतात. म्हणूनच एचआयव्ही चाचणी करणे गरजेचे आहे, असे मानले जाते. एचआयव्हीचे संक्रमण रोखण्यासाठी सरकार मोठ्या प्रमाणात लोकांच्या चाचण्या करते. तसेच या विषाणूची लागण झाल्यास त्यावर उपचारही मोफत केला जातो. दरम्यान, सध्या एक धक्कादायक घटना समोर आली आहे. एका वैद्यकीय महाविद्यालयातच 200 पेक्षा जास्त लोकांना एचआयव्हीची लागण झाल्याचे समोर आले आहे.
तपासणी केली असता धक्कादायक प्रकार समोर
मध्य प्रदेशमधील इंदोर या जिल्ह्यात एप्रिल आणि सप्टेंबर 2026 या काळात एचआयव्ही चाचणी करण्यासाठी मोठ्या प्रमाणात शिबिरं आयोजित करण्यात आली. या शिबिरांमध्ये तब्बल 44,259 लोकांच्या चाचण्या करण्यात आल्या. यापैकी साधारण 357 लोकांना एचआयव्हीची लागण असल्याचे समोर आले. हा प्रकार समोर आल्यानंतर लोकांमध्ये एचआयव्ही आणि एड्स या आजाराची माहिती देणे, त्यांच्यात जागरुकता घडवून आणणे किती गरजेचे आहे, हे पुन्हा एकदा अधोरेखित झाले आहे.
एचआयव्हीची लागण असल्याचे समोर आलेल्यांपैकी 351 जण उपचार घेत असल्याचे समोर आले आहे. तर उरलेल्या सहा जाणांवर अद्यापही उपचार बाकी आहेत. त्यांना एचआयव्हीची लागण झाल्याचे माहितीच नव्हते. ही घटना समोर आल्यानंतर आरोग्य विभागाने सजग राहून वेळोवेळी एचआयव्हीची चाचणी करण्यासाठी मोठ्या प्रमाणात शिबिरे राबवण्याची गरज असल्याचे मत व्यक्त केले जातेय.
कॉलेजमध्ये किती एचआयव्ही बाधित आढळले?
दरम्यान, इंदोरच्या एका वैद्यकीय महाविद्यालयातही 1152 लोकांपैकी 215 लोक एचआयव्ही बाधित असल्याचे समोर आले. 209 रुग्णांवर एआरटी उपचार सुरू आहेत. सहा जणांवर अजूनही उपचार बाकी आहेत. दरम्यान, एचआयव्हीची लागण झाल्याचे समोर आल्यानंतर त्वरित उपचार घेतल्यास एड्स होण्याचा धोका टाळता येऊ शकतो. त्यामुळेच याबाबत जनजागृती करणे गरजेचे असल्याचे मत व्यक्त केले जातेय.
