‘दहशतवादी त्यांची हत्या करणार,’ केंद्रीय मंत्र्याला थेट धमकी आल्याने खळबळ; दिल्लीत सुरक्षा यंत्रणा हायअलर्टवर!

केंद्रीय मंत्री आणि लोक जनशक्ति पार्टी (रामविलास) चे राष्ट्रीय अध्यक्ष चिराग पासवान यांना अतिरेक्यांकडून जीवे मारण्याची धमकी मिळाल्याने खळबळ उडाली आहे. केंद्र सरकारच्या अन्न प्रक्रिया उद्योग मंत्रालयाला एक धमकीचा संदेश मिळाला आहे. त्यात चिराग पासवान यांना अतिरेकी लवकरच ठार करतील असे म्हटले आहे. त्यानंतर सुरक्षा यंत्रणा हायअलर्टवर गेल्या आहेत. चिराग पासवान यांना झेड दर्जाची सुरक्षा देण्यात आली आहे.

केंद्रिय मंत्री चिराग पासवान यांना जीवे मारण्याची धमकी आल्यानंतर त्यांच्या सुरक्षेत वाढ करण्यात आली आहे. चिराग पासवान यांचे सरकारी अतिरिक्त खाजगी सचिव आलोक कुमार सिंग यांनी मंगळवारी केंद्रीय गृहसचिवांना पत्र लिहिले आहे. यात धमकीच्या मॅसेजवर गांभीर्याने पावले उचल्यात येऊन केंद्रिय मंत्री पासवान यांच्या सुरक्षेत वाढ करण्याची मागणी करण्यात आली आहे. चिराग पासवान यांना आता झेड दर्जाची सुरक्षा देण्यात आली आहे.

केंद्रिया अन्न प्रक्रिया उद्योग मंत्र्यांचे अतिरिक्त खाजगी सचिव आलोक सिंह यांनी आपल्या पत्रात गृहमंत्रालयाला विनंती केली आहे की चिराग पासवान यांची सध्याच्या सुरक्षा व्यवस्थेचा पुन्हा आढावा घ्यावा अशी मागणी केली आहे. गरज पडल्यास त्यांना आणखी मजबूत सुरक्षा पुरवण्यात यावी अशीही मागणी करण्यात आली आहे. चिराग पासवान यांचे येत्या दिवसात अनेक सार्वजनिक कार्यक्रम आहेत. त्यामुळे या धमक्यांना गंभीरपणे आणि प्राधान्याने घ्यावे असे आवाहन या पत्रात आलोक सिंह यांनी केले आहे.

थेट मंत्रालयाला मिळाला धमकीचा संदेश

चिराग पासवान यांचे अतिरिक्त खाजगी सचिव आलोक सिंह यांनी सांगितले की मंगळवारी अन्न प्रक्रिया उद्योग मंत्रालयाला दोन नंबर वरुन सही न केलेले संदेश पत्र मिळाले आहेत. हे पत्र उघडले तर त्यात केंद्रिय मंत्र्यांना थेट जीवे मारण्याची धमकी देण्यात आली आहे. त्यात लिहिले होते की कंट्टर अतिरेकी संघटना लवकरच त्यांची हत्या करतील.