‘लव्ह-जिहाद’ रोखण्यासाठी उत्तर प्रदेशात कडक कायदा; योगी आदित्यनाथ यांची घोषणा

बिहार: लग्नासाठी केवळ धर्मांतर गरजेचं नाही, असा निर्णय अलहाबाद उच्च न्यायालायने दिलेला असतानाच उत्तर प्रदेशचे मुख्यमंत्री योगी आदित्यनाथ यांनी आता लव्ह-जिहाद रोखण्यासाठी लवकरच कठोर कायदा करणार असल्याची घोषणा केली आहे. या कायद्याद्वारे लव्ह-जिहादच्या प्रकारांना रोखण्यात येणार असल्याचंही त्यांनी सांगितलं. (Uttar Pradesh Government Will Bring Law to Curb ‘Love Jihad’: CM Yogi Adityanath)

जौनपूरच्या मल्हनी विधानसभा मतदारसंघात एका जनसभेला संबोधित करताना योगी आदित्यनाथ यांनी ही घोषणा केली. आम्ही लव्ह जिहाद खपवून घेणार नाही. लव्ह जिहाद रोखण्यासाठी लवकरच प्रभावी आणि कठोर कायदा आणू. खोट्या नावाने आणि वेश बदलून मुलींची होणारी फसवणूक आम्ही थांबवल्याशिवाय राहणार नाही, असं योगी आदित्यनाथ म्हणाले.

लव्ह-जिहाद जर सुरूच ठेवलं तर तुमचं रामनाम सत्य झालंच म्हणून समजा, असा इशाराही योगींनी भरसभेतून दिला. तसेच उत्तर प्रदेशात गुंडाच्या ताब्यातील भूखंडांवर गरीबांसाठी घरं बांधण्यात येणार असल्याचंही त्यांनी सांगितलं.

संबंधित बातम्या:

…तर देशभरात ‘लक्ष्मी बॉम्ब’ प्रदर्शित होऊ देणार नाही; हिंदू सेनेचा इशारा

 ‘तनिष्क’वर कंगना भडकली, जाहिरातीतून लव्ह-जिहादला प्रोत्साहन दिल्याचा आरोप

(Uttar Pradesh Government Will Bring Law to Curb ‘Love Jihad’: CM Yogi Adityanath)