वी लव्ह कोरियन गेम्स… तीन बहिणींनी स्वत:ला संपवलं, पोलिसांना डायरी सापडताच… नेमकं काय घडलं?
तीन अल्पवयीन बहिणींनी नवव्या मजल्यावरून उडी मारून आत्महत्या केली. घटनास्थळी सापडलेल्या सुसाईड नोटमध्ये त्यांच्या पालकांना "माफ करा" असे लिहिले होते आणि एका डायरीत कोरियन गेम्सबद्दलच्या उल्लेख केला होता.
उत्तर प्रदेशच्या गाजियाबादमध्ये तीन बहिणींच्या आत्महत्येने खळबळ उडाली आहे. येथे टीला मोड पोलीस ठाण्याच्या हद्दीत भारत सिटी सोसायटीमध्ये ९व्या मजल्यावरून तिन्ही अल्पवयीन बहिणींनी उडी मारून आत्महत्या केली. या प्रकरणात आता नवीन आणि धक्कादायक खुलासा झाला आहे. सांगितले जात आहे की, घटनास्थळावरून पोलिसांना सुसाइड नोट आणि एक डायरी सापडली आहे. या सुसाइड नोटमध्ये तिन्ही बहिणींनी लिहिले आहे – आई लव यू मम्मी-पापा. Sorry. तसेच डायरीमध्ये लिहिले आहे – वी लव कोरियन गेम्स.
तपासात काय समोर आले?
पोलिसांनी दोन्ही गोष्टी आणि तिघींचे मोबाइल फोन फॉरेन्सिक तपासणीसाठी पाठवले आहेत. समोर आलेल्या माहितीनुसार, अद्याप मोबाइलचे लॉक उघडता आलेले नाहीत. मोबाइलचे लॉक उघडल्यानंतरच खरी माहिती समोर येईल. मृत मुलींच्या वडिलांचे नाव चेतन आहे, ते ऑनलाइन ट्रेडिंग करतात. त्यांनी दोन लग्ने केली आहेत आणि गेल्या सुमारे तीन ते चार वर्षांपासून भारत सिटी सोसायटीमध्ये दोन्ही पत्नींसह राहत होते.
सांगितले जात आहे की, हे सर्वजण ऑनलाइन टास्क-बेस्ड कोरियन लवर गेम खेळत होते. तीन बहिणींच्या आत्महत्येनंतर परिसरात भीतीचे वातावरण आहे. आत्महत्या करणाऱ्या बहिणींची नावे निशिका (१६ वर्षे), प्राची (१४ वर्षे) आणि पाखी (१२ वर्षे) अशी सांगितली जात आहे.
वडिलांनी तिघींबद्दल काय सांगितले?
वडील चेतन कुमार यांनी सांगितले की, तिन्ही मुलींना कोरोना काळात मोबाइल गेमची सवय लागली होती. त्या टार्गेट गेम खेळत होत्या. पण त्यांनी असं का केलं, हे आम्हाला माहीत नाही. पोलिसांच्या मते, त्यांची शाळेतही नियमित हजेरी नव्हती.
पोलिसांनी काय सांगितलं?
पोलिसांनी सांगितलं की, संपूर्ण घटना रात्री सुमारे २ वाजता भारत सिटी बी-१ टॉवरच्या फ्लॅट क्रमांक ९०७ मध्ये घडली. स्थानिक लोकांनी सांगितलं की, रात्री उशिरा जोरदार आवाज ऐकून ते सर्व बाहेर आले, त्यानंतर आम्हाला माहिती देण्यात आली. पोलिसांचं म्हणणं आहे की, सर्व पैलूंवर तपास सुरू आहे. डिजिटल हालचाली, आसपासच्या सीसीटीव्ही फुटेज आणि मोबाइल फोनची फॉरेन्सिक तपासणी केली जाईल.
