मोठी बातमी! माजी मुख्यमंत्री ममता बॅनर्जी यांच्यावर हल्ला, राजकीय वर्तुळात खळबळ

पश्चिम बंगालच्या माजी मुख्यमंत्री आणि टीएमसी प्रमुख ममता बॅनर्जी यांच्यावर हल्ला करण्याचा प्रयत्न झाल्याची घटना उघडकीस आली आहे. कोलकाताच्या कालीघाटमध्ये दुर्गा पूजाच्या मंडपच्या उद्घाटनाच्या वेळी एका तरुणीने हल्ला करण्याचा प्रयत्न केल्याची प्राथमिक माहिती आहे. या तरुणीने ममता बॅनर्जी यांची साडी खेचली. तिच्याजवळील चाकू जप्त करण्यात आला आहे, असा दावा टीएमसीकडून करण्यात आला आहे.

ममता बॅनर्जी यांच्यावर झालेल्या कथित हल्ल्यावरून पश्चिम बंगालमधील राजकारण तापलं आहे. पश्चिम बंगालमध्ये पुन्हा एकदा माजी मुख्यमंत्र्‍यांच्या सुरक्षा व्यवस्थेवरून प्रश्नचिन्ह उपस्थित करण्यात येत आहे. पश्चिम बंगालमधील विधानसभा निवडणुकीनंतर सातत्याने टीएमसी नेत्यांना लक्ष्य करण्यात येत असल्याचे समोर येत आहे. आता तर चक्क माजी मुख्यमंत्री ममता बॅनर्जी यांच्यावरच हल्ल्याचा प्रयत्न झाल्याचा खळबळजनक दावा करण्यात येत आहे.

ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.