बायकोचे डिलिव्हरी बॉयसोबत शारीरिक संबंध, चॅट वाचून नवरा थरथर कापू लागला, पळ घराबाहेर पडला

गेल्या काही दिवसांपासून विवाहबाह्य संबंधांमुळे अनेक धक्कादायक घटना घडल्याचे समोर आले आहे. सोनम रघुवंशी प्रकरण, सिया गोयल प्रकरण आणि इतर अशीच बरीच प्रकरणे याचे उदाहरण आहेत. आता आणखी एक प्रकरण समोर आले आहे. नवऱ्याला त्याच्या बायकोचे डिलिव्हरी बॉयसोबत शारीरिक संबंध असल्याचे कळाले. त्यानंतर त्याने बायकोचा फोन तपासला. त्यामधील चॅट वाचल्यानंतर तो तातडीने घरातून बाहेर पडला आणि पोलिस ठाण्यात गेला. तेथे त्याने तक्रार दाखल केली.

नेमकं प्रकरण काय?

हे प्रकरण तेलंगणाच्या खम्मम जिल्ह्यातील आहे. इथे एका महिलेने तिच्या कथित प्रियकरासोबत मिळून स्वतःच्या पतीलाच मार्गातून दूर करण्याचा भयंकर प्लान आखला. हा कट इतका धूर्त होता की हत्येला रस्ते अपघाताचे रूप देण्याची तयारी होती. मात्र वेळीच पतीच्या हाती दोघांचे गुप्त चॅट लागले आणि त्याने ताबडतोब पोलिसांकडे तक्रार दाखल केली.

पोलिसात तक्रार दाखल

पोलिसांना दिलेल्या तक्रारीनुसार, डोरनाकल मंडळातील चिलकोड गावचे रहिवासी जी. राजेश्वर राव यांचा विवाह २०१६ मध्ये सूर्यपेट जिल्ह्यातील मट्टमपल्ली मंडळाच्या राघवपुरम येथील भवानीशी झाला होता. दोघांना दोन मुली आहेत. राजेश्वर राव खम्मममधील एका खाजगी रुग्णालयात नोकरी करतात.

राजेश्वर राव यांनी पोलिसांना सांगितले की गेल्या काही महिन्यांपासून त्यांना पत्नीच्या वर्तनात बदल जाणवत होता. चौकशी केल्यावर त्यांना कळले की भवानीची ओळख खम्मममध्येच कुरिअर डिलिव्हरी एजंट म्हणून काम करणाऱ्या सैदुलूशी झाली होती. हळूहळू दोघांची मैत्री अवैध संबंधांत बदलली. पतीच्या गैरहजेरीत सैदुलू अनेकदा त्यांच्या घरी ये-जा करत होता असा आरोप केला आहे.

व्हॉट्सअॅप चॅट पाहून धक्काच बसला

पतीला पत्नीच्या अफेअरचा संशय होताच, पण राजेश्वर यांच्या हाती पत्नी भवानी आणि सैदुलू यांच्यातील संभाषणाचे (व्हॉट्सअॅप चॅट) पुरावे लागले तेव्हा त्यांना धक्काच बसला. चॅटमध्ये भवानी आणि सैदुलू पती राजेश्वर राव यांची हत्या करण्याचा प्लान आखत होते. एका मेसेजमध्ये भवानीने कथितरीत्या सैदुलूला सांगितले होते की जर त्याने तिच्या पतीला ठार मारले तर दोघे कायमचे एकत्र राहू शकतील. इतकेच नव्हे, तर खूनाला कोणत्याही कटाऐवजी साध्या ‘रोड अॅक्सिडंट’ (रस्ते अपघात) चे रूप देण्याबाबत चर्चा झाली होती.

चॅटचे स्क्रीनशॉट घेऊन घरातून पळाला

स्वतःचा आणि दोन निरागस मुलींच्या जिवाचा धोका लक्षात घेऊन राजेश्वर राव ताबडतोब डोरनाकल पोलीस स्टेशनमध्ये पोहोचले. त्यांनी पत्नी आणि तिच्या प्रियकरातील संपूर्ण संभाषणाचे स्क्रीनशॉट व इतर पुरावे पोलिसांकडे सुपूर्द करत एफआयआर दाखल करण्याची मागणी केली.

प्रकरणाची संवेदनशीलता लक्षात घेऊन डोरनाकल पोलिसांनी तात्काळ झिरो एफआयआर (Zero FIR) दाखल केली आहे. घटनाक्षेत्र खम्ममचे असल्याने पुढील कायदेशीर कारवाई आणि तपासासाठी प्रकरण खम्मम रुरल पोलीस स्टेशनकडे हस्तांतरित करण्यात आले आहे. पोलिस आता चॅटची फॉरेन्सिक तपासणी करण्याची आणि आरोपींकडून चौकशी करण्याची तयारी करत आहेत.