Azadi ka Amrit Mahotsav : पुण्यातील शाळांमध्ये 76 वा स्वातंत्र्य दिन उत्साहात संपन्न
स्वातंत्र्याच्या या अमृतोत्सवानिमित्त शाळेमध्ये प्रचंड उत्साहाचे व आनंदाचे वातावरण दिसून आले. कोरोना महामारीमुळे 2 वर्षांच्या प्रदीर्घ प्रतिक्षेतून आणि दुःखद परिस्थितीतून सावरल्यानंतर विद्यार्थी मोठ्या आनंदाने कार्यक्रमात सहभागी झाले होते.
देश भरात स्वातंत्र्यदिन मोठ्या उत्साहात साजरा केला जात आहे. पुण्यातील केंद्रीय विद्यालय गणेशखिंड येथे 76 स्वातंत्र्य दिन मोठ्या उत्साहात साजरा करण्यात आला.
स्वातंत्र्याच्या या अमृतोत्सवानिमित्त शाळेमध्ये प्रचंड उत्साहाचे व आनंदाचे वातावरण दिसून आले. कोरोना महामारीमुळे 2 वर्षांच्या प्रदीर्घ प्रतिक्षेतून आणि दुःखद परिस्थितीतून सावरल्यानंतर विद्यार्थी मोठ्या आनंदाने कार्यक्रमात सहभागी झाले होते.
यावेळी प्रमुख पाहुणे मान्यवर एआरडीएचे संचालक ARDE शास्त्रज्ञ ए राजू यांच्या हस्ते ध्वजारोहण करण्यात आले. यानंतर त्यांनी विद्यार्थ्यांना विज्ञान आणि तंत्रज्ञानाविषयी मार्गदर्शनही केले
स्वातंत्र्य दिनाचे औचित्य साधत शाळेतील विद्यार्थ्यांनी विविध सांघिक कसरतीचे प्रात्यक्षिकही दाखवले. एकात्मतेचा संदेश देणारे सांस्कृतिक कार्यक्रमाचे सादरीकरणही केले.
स्वातंत्र्य दिनानिमित्त संपूर्ण शाळेचे प्रांगण झेंडे, फुगे, रांगोळी इत्यादींच्या साहाय्याने अतिशय सुंदर सजवण्यात आले होते. या कार्यक्रमाचे नियोजन विद्यालयाच्या प्राचार्या शबाना खान याच्या मार्गदर्शनाखाली करण्यात आले होते.
