उतावळ्या रणवीर सिंहला 4 सिनेमांत दणका, डॉन-3 च्या आधीच 4 वेळा पडला तोंडावर!
याआधीही रणवीरचे अनेक सिनेमे आहेत, ज्यांची सगळी तयारी झाली होती. परंतु ते प्रत्यक्षात रिलीज कधीच झाले नाहीत. या यादीत तख्त हा प्रथम क्रमांकावर येतो. करण जोहर या सिनेमाला दिग्दर्शित करणार होता.
धुरंधर या चित्रपटानंतर रणवीर सिंह या अभिनेत्याचे वजन चांगलेच वाढलेले आहे. परंतु डॉन-3 हा सिनेमा सोडल्यामुळे त्याच्यावर फेडरेशन ऑफ वेस्टर्न इंडिया सिने इम्प्लॉइजने बंदी घातली आहे. त्यामुळे त्याला आता भविष्यात नवे चित्रपट मिळण्यास अडचणी येणार आहेत.
दरम्यान, याआधीही रणवीरचे अनेक सिनेमे आहेत, ज्यांची सगळी तयारी झाली होती. परंतु ते प्रत्यक्षात रिलीज कधीच झाले नाहीत. या यादीत तख्त हा प्रथम क्रमांकावर येतो. करण जोहर या सिनेमाला दिग्दर्शित करणार होता. या चित्रपटात आलिया भट्ट, विकी कौशल, जान्हवी कपूर यासारखे बडे स्टार होते. परंतु हा चित्रपट कधीच तयार होऊ शकला नाही.
संजय लिला भन्साळी या प्रसिद्ध दिग्दर्शकासोबत रणवीरचा बैजू बावरा हा चित्रपट येणार होता. या चित्रपटात त्याच्यासोबत आलिया भट्ट, कियारा आडवाणी या नटी असणार होत्या. परंतु हा सिनेमा अद्याप आलेला नाही. त्याबाबत आणखी काही अपडेटही पुडे आलेली नाही.
रणवीर सिंहचा शक्तिमान हा चित्रपट येणार, असे बोलले जात होते. या सिनेमाला बसिल जोसेफ हे या चित्रपटाचे दिग्दर्शन करणार होते. या चित्रपटाला शक्तिमान या मालिकेतील हिरो मुकेश खन्ना यांचा विरोध आहे. रणवीर सिंहने शक्तिमानची भूमिका करू नये, असे त्यांचे मत आहे.
रणवीर सिंहचा राक्षस हा चित्रपट येणार होता. ही एक दैवी शक्तीवर आधारलेली फिल्म असेल. या चित्रपटाला प्रशांत वर्मा दिग्दर्शित करतील, असे सांगितले जात होते. परंतु आता या चित्रपटानदेखील गाशा गुंडाळलेला आहे. त्यामुळे रणवीर सिंहच्या या चित्रपटाचेही भवितव्य अंधारातच आहे.
