बदल रही है जिंदगीची चाल जरा…; सोनाक्षी सिन्हा-जहीर इक्बाल यांच्या लग्नाच्या रिसेप्शनचे खास फोटो
Sonakshi Sinha and Zaheer Iqbal Wedding Photos : अभिनेत्री सोनाक्षी सिन्हा आणि अभिनेता जहीर इक्बाल या दोघांनी लग्नगाठ बांधली. अंतरधर्मीय असणारं हे लग्न बॉलिवूडमध्ये चर्चेत राहिलं. या दोघांनी लग्नाच्या रिसेप्शनचे फोटो शेअर केले आहेत. पाहा खास फोटो...
अभिनेत्री सोनाक्षी सिन्हा आणि अभिनेता जहीर इक्बाल... या दोघांनी 23 जूनला लग्नगाठ बांधली. त्यानंतर या दोघांनी लग्नाचे काही खास फोटो सोशल मीडियावर शेअर केले आहेत.
लग्नाच्या रिसेप्शनला सोनाक्षीने लाल रंगाची साडी नेसली होती. त्याला साजेशी ज्वेलरी सोनाक्षीने परिधान केली होती. तर जहीर इक्बाल याने पांढऱ्या रंगाचा कुर्ता परिधान केला होता.
काय दिवस होता... कुटुंबिय, मित्र आणि जवळच्या लोकांनी येऊन आशिर्वाद दिले. शुभेच्छा दिल्या. याला काय म्हणावं हे मला माहिती नाही, असं म्हणत सोनाक्षी आणि जहीर यांनी लग्नाच्या रिसेप्शनचे फोटो शेअर केले आहेत.
प्रेम, हशा, एकजूट, उत्साह, कळकळ, आमच्या प्रत्येक मित्राचा आणि कुटुंबाचा पाठिंबा… आम्ही दोघेही या प्रेमाने भरून पावलो आहोत. खरोखर आम्ही धन्य झालो आहोत, असंही सोनाक्षी आणि जहीर यांनी आपल्या पोस्टमध्ये म्हटलं आहे
23 जून या दिवशी सोनाक्षी आणि जहीर यांनी विवाहबद्ध झाले. मोजक्या लोकांच्या उपस्थितीत या दोघांनी रजिस्टर पद्धतीने लग्न केलं आहे. त्यांच्या चाहत्यांनी सहजीवनासाठी सदिच्छा दिल्या आहेत.
