डबल स्ट्रिंग बिकिनी म्हणजे काय? पॉप स्टार दुआ लिपाने किती रुपयांना खरेदी केली?
डबल स्ट्रिंग बिकिनी ही जागतिक फॅशनप्रेमी आणि सेलिब्रिटींची आवडती बनली आहे. पॉप स्टार दुआ लिपाने इबिझामध्ये ही बिकिनी परिधान केली आहे. तिची ही बिकिनी सर्वांचे लक्ष वेधून घेत आहे.
बिकिनी नेहमीच बीच आणि पूल पार्टीसाठी सर्वात मोठी फॅशन स्टेटमेंट राहिली आहे. पण अलीकडेच ज्या स्टाइलने फॅशनप्रेमींचे मन जिंकले आहे, ती म्हणजे डबल स्ट्रिंग बिकिनी. आता हा बिकिनीचा प्रकार नेमका आहे तरी काय? चला जाणून घेऊया...
डबल स्ट्रिंग बिकिनीच्या नावावरूनच कळते की, यामध्ये सामान्य बिकिनीच्या जागी दोन-दोन स्ट्रॅप्स असतात, ज्यामुळे ती अधिक स्टायलिश आणि आधुनिक दिसते. हा ट्रेंड सध्या जागतिक सेलिब्रिटी आणि फॅशनप्रेमींच्या आवडत्या यादीत वेगाने समाविष्ट होत आहे.
सामान्य स्ट्रिंग बिकिनीमध्ये फक्त एक पातळ स्ट्रॅप असते, तर डबल स्ट्रिंग बिकिनीमध्ये डबल लेयर स्ट्रॅप्स असतात. हे स्ट्रॅप्स कधी कंबरेवर, कधी खांद्यावर, तर कधी गळ्यावर असतात. या डिटेलिंगमुळे केवळ लुकच युनिक दिसत नाही, तर ती अधिक सुरक्षित आणि ट्रेंडीही वाटते. ही क्लासिक बिकिनीला नवीन ट्विस्ट देते. डबल स्ट्रॅप्समुळे याची फिटिंग अधिक चांगली होते. या डिझाइनमध्ये अनेक रंग आणि स्टाइल कॉम्बिनेशन वापरता येतात.
दुआ लिपाने Oséree Swimwear चा एक खास पीस निवडला होता, जो त्याच्या चमकदार आणि स्टेटमेंट बनवणाऱ्या डिझाइन्ससाठी ओळखला जातो. तिने Lumière Bicolour Double Kini परिधान केली होती, जी क्रिस्टल आणि बरगंडी शेड्समध्ये होती.
दुआ लिपाने सुमारे €220 (अंदाजे ₹22,517) किंमतीच्या या बिकिनीमध्ये Oséree ची सिग्नेचर ग्लिटरिंग डिटेलिंग होती, ज्याला डबल-स्ट्रॅप डिझाइनने आणखी आकर्षक बनवले. टॉपवरील लेयर्ड बँड्सने केवळ सपोर्टच दिला नाही, तर स्टाइललाही एक खास टच जोडला आहे. तसेच, बॉटम्सवरील ड्युअल-स्ट्रॅप डिटेलने या संपूर्ण लुकला एक वेगळी उंची दिली.
