Photos : जेजुरीत अक्रित घडलं, अचानक 5 मजली इमारत झुकली अन् पत्त्यासारखी कोसळली!
जेजुरी शहराच्या मध्यवर्ती ठिकाणी खोमणे आळी परिसरात सायंकाळी अंदाजे 5 वाजता बांधकाम सुरू असलेली पाच मजली इमारत अचानक एका बाजूला धोकादायकरीत्या झुकल्याने परिसरात खळबळ उडाली. घटनेची माहिती मिळताच अग्निशमन दल आणि जेजुरी पोलीस स्टेशनचे अधिकारी व नगर परिषदेचे आधिकरी कर्मचारी घटनास्थळी दाखल झाले.
जेजुरी शहरातील खोमणे आळीतील बांधकामाधीन इमारत सायंकाळी पाच वाजण्याच्या सुमारास धोकादायकरीत्या झुकली होती. या इमारतीचा भविष्यकालीन धोका पाहता ती पाडण्यात आली. यावेळी प्रशासनाने योग्य ती काळजी घेतली होती.
इमारत पाडताना जेजुरी नगरपरिषदने अग्निशमन दल व रुग्णवाहिका सज्ज ठेवली होती. पोलिसांची तातडीची घटनास्थळी घाव घेवून रहिवाशांचे सुरक्षित स्थलांतर केले. सुरक्षा बॅरिकेट लावून रहदारी थांबविण्यात आली.
जेजुरी शहराच्या मध्यवर्ती ठिकाणी खोमणे आळी परिसरात सायंकाळी अंदाजे 5 वाजता बांधकाम सुरू असलेली पाच मजली इमारत अचानक एका बाजूला धोकादायकरीत्या झुकल्याने परिसरात खळबळ उडाली. वेळीच घेतलेल्या उपाययोजनांमुळे संभाव्य अनर्थ टळला. घटनेची माहिती मिळताच अग्निशमन दल आणि जेजुरी पोलीस स्टेशनचे अधिकारी व नगर परिषदेचे आधिकरी कर्मचारी घटनास्थळी दाखल झाले.
परिसरातील नागरिकांची सुरक्षितता लक्षात घेऊन इमारतीभोवतालचा परिसर तत्काळ बंद करण्यात आला तसेच शेजारील रहिवाशांचे सुरक्षित स्थळी स्थलांतर करण्यात आले. पहाटे पुणे महानगर पालिकेचे कटर्स दाखल झाले .सकाळी आठ वाजता इमारत पाडण्याचे काम सुरू झाले आणि क्षणार्धात पाच मजली इमारत खाली कोसळली.
प्राथमिक माहितीनुसार, इमारत झुकण्यामागील कारणांचा शोध घेण्यासाठी तांत्रिक पथक कार्यरत असून, नेमके कारण तपास अहवाल आल्यानंतरच स्पष्ट होणार आहे. सुदैवाने, या घटनेत कोणतीही जीवितहानी झालेली नाही. वाढत्या शहरांमध्ये बांधकामादरम्यान सुरक्षा नियमांचे काटेकोर पालन किती महत्त्वाचे आहे, याची जाणीव या घटनेतून पुन्हा अधोरेखित झाली आहे.
सदर इमारत अनधिकृतपणे बांधली जात होती. या इमारत मालकास जेजुरी नगरपरिषदेच्या वतीने यापूर्वीच नोटीस देण्यात आली होती. आणखी अनेक इमारती अनधिकृतपणे बांधण्यात येत असून त्यांनाही पालिकेने नोटिसा दिल्या आहेत. आता या इमारतींवर कारवाई करण्यात येणार असल्याचे पालिकेचे मुख्याधिकारी चारुदत्त इंगुले यांनी सांगितले.
जेजुरी पोलीस स्टेशनचे सहाय्यक पोलीस निरीक्षक दीपक वाकचौरे व कर्मचारी वर्गाने इमारत झुकल्यापासून ते इमारत पाडून सर्व राडारोडा हटविण्यापर्यंत चोख बंदोबस्त दिला.
