Glenn Maxwell: भारताचा जावई बनणाऱ्या ग्लेन मॅक्सवेलची लग्नपत्रिका तुम्ही बघितली?
Glenn Maxwell: ऑस्ट्रेलियाचा स्टार खेळाडू ग्लेन मॅक्सवेल लवकरच विवाहबंधनात अडकणार आहे.
ऑस्ट्रेलियाचा स्टार खेळाडू ग्लेन मॅक्सवेल लवकरच विवाहबंधनात अडकणार आहे. भारतीय वंशाची त्याची गर्लफ्रेंड विनी रमन सोबत तो विवाहबद्ध होणार आहे. आंतरराष्ट्रीय क्रिकेट सामने, कोविड लॉकडाऊन यामुळे मॅक्सवेलचं लग्न रखडलं होतं.
ऑस्ट्रेलियाचा संघ पाकिस्तानचा दौरा करणार आहे. त्या संघात मॅक्सवेलच नाव नाहीय. मॅक्सवेलची लग्नपत्रिका आता सोशल मीडियावर व्हायरल झाली आहे. पारंपारिक तमिळ भाषेत ही लग्नपत्रिका छापलेली आहे.
विनी रामन ही भारतीय वंशाची असली तरी तिचा जन्म ऑस्ट्रेलियातच झाला आहे. 3 मार्च 1993 मध्ये जन्माला आलेल्या विनीचे पालक भारतीय आहेत. विनी रमन मूळची दाक्षिण भारताची आहे. तिचे आई-बाबा कामानिमित्त ऑस्ट्रेलियात गेले आणि तिथेच स्थायिक झाले.
14 ऑक्टोबरला मॅक्सवेलचा वाढदिवस झाला. यावेळी त्याने इन्स्टा स्टोरीमधून विनीला मी तुझ्याशी लग्नासाठी आतुर आहे आणि 2022 हे आपलंच वर्ष असल्याचं म्हटलं होतं.
विना एक फार्मासिस्ट असून तिने सायन्समधूनच संपूर्ण शिक्षण घेतलं आहे. मागील वर्षी 26 फेब्रुवारी रोजी मॅक्सवेल आणि विनी यांचा साखरपुडा झाला.
