Gold Rate : क्षणात सोनं 2500 रुपयांनी वाढलं, आता एक तोळ्याचा भाव दीड लाखांच्या…जाणून घ्या नवा भाव!
गेल्या अनेक दिवसांपासून सोन्याचा भाव चांगलाच वाढत आहे. आता पुन्हा एकदा या सोन्यासोबतच चांदीचा भावदेखील वाढला असून सामान्यांच्या खिशाला झळ बसणार आहे.
गेल्या अनेक दिवसांपासून सोने आणि चांदीच्या भावात सातत्याने वाढ होत आहे. लवकरच सोन्याचा भाव दीड लाख रुपयांच्या पुढे जाणार असल्याचे बोलले जाते. तर चांदीचा भावदेखील आणखी वाढू शकतो, अशी शक्यता व्यक्त केली जात आहे.
असे असतानाच 19 जानेवारी रोजी पुन्हा एकदा या दोन्ही मौल्यवान धातूंच्या किमतीत वाढ झाली आहे. सोने आणि चांदीचा भाव आपल्या सार्वकालिक उच्चांकावर पोहोचला आहे. भारतात 24 कॅरेट सोन्याचा भाव आता 14,624 रुपये प्रति 1 ग्रॅम रुपयांवर पोहोचला आहे.
18 जानेवारीच्या तुलनेत हा भाव 246 रुपयांनी वाढलेला आहे. 22 कॅरेट सोन्याबद्दल बोलायचे झाल्यास हा भाव 13,405 रुपये प्रति 1 ग्रॅम रुपयांवर पोहोचला आहे. हा भाव 18 जानेवारी रोजीच्या तुलनेत 225 रुपयांनी वाढला आहे.
18 जानेवारी रोजी 22 कॅरेट सोन्याचा भाव 10,968 रुपये प्रति 1 ग्रॅम असा होता. 24 कॅरेट सोन्याचा भाव आता 1,46,240 रुपये प्रति 10 ग्रॅमवर पोहोचला आहे. 18 जानेवारीच्या तुलनेत हा भाव 2460 रुपयांनी वाढला आहे.
राजधानी मुंबईचा विचार करायचा झाल्यास या शहरात 24 कॅरेट सोन्याचा भाव 14,624 रुपये प्रति 1 ग्रॅम रुपयांवर गेला आहे. 22 कॅरेट सोन्याचा भाव 13,405 रुपये प्रति एक ग्रॅम तर 18 कॅरेट सोन्याचा भाव 10,968 रुपये प्रति 1 ग्रॅम रुपये झाला आहे. भविष्यातही सोन्याचा भाव असाच वाढणार का? असा प्रश्न सामान्यांकडून विचारला जात आहे.
