साप एका दिवसात किती पाणी पितो? मानवापेक्षा कमी की जास्त? उत्तर वाचून हैराण व्हाल
Snake Fact : संपूर्ण देशात कडक उन्हाळा जाणवत आहे, या काळात मानवासह सर्व प्राणी जास्त प्रमाणात पाणी पितात. तुमच्याही मनात असा प्रश्न आला असेल की साप एका दिवशी किती पाणी पितो? किंवा तो पाणी न पिता किती दिवस राहू शकतो? याचे उत्तर जाणून घेऊयात.
साप हा असा सस्तन प्राणी आहे जो जास्त पाणी पित नाही. तो आपल्या गरजेनुसार थोड्या प्रमाणात पाणी पितो. काही प्रजाती रोज पाणी पितात, तर काही साप अनेक दिवस पाण्याविना जिवंत राहू शकतात.
प्रयागराजमधील प्रसिद्ध साप तज्ज्ञ हरियाली गुरू यांनी सांगितले की साप शिकारीच्या माध्यमातून पाण्याची गरज भागवतात. उंदीर, बेडूक किंवा लहान प्राण्यांच्या शरीरातील ओलावा सापांच्या पाण्याची गरज मोठ्या प्रमाणात पूर्ण करतो.
मात्र उन्हाळ्यात तापमान वाढल्यावर सापांना जास्त पाण्याची आवश्यकता असते. त्यामुळे साप पाण्याच्या शोधात घर, शेत आणि बागांच्या आसपास भटकताना दिसू शकतात.
हरियाली गुरू यांनी सांगितले की, साधारण आकाराचा साप एकावेळी 20-30 मिलीलीटरपर्यंत पाणी पिऊ शकतो. मोठे अजगर यापेक्षा अधिक पाणी पितात. महत्त्वाची बाब म्हणजे साप पाणी जीभेने नव्हे, तर थेट तोंडाद्वारे पाणी शरीरात घेतात.
दरम्यान, उन्हाळ्यात अनेकदा साप घराच्या आसपास आढळतात. तुम्हालाही साप दिसल्यास त्याला त्रास न देता साप पकडणाऱ्या पथकाला किंवा वन विभागाला कळवावे. वन विभागाचे कर्मचारी सापाला पकडून नैसर्गिक अधिवासात सोडतात.
