हृतिक-सबाच्या नात्याला 5 वर्ष पूर्ण, शेअर केले अनसीन फोटो; पूर्व पत्नी सुझानची कमेंट चर्चेत
अभिनेता हृतिक रोशन आणि सबा आझाद यांनी त्यांच्या ५ वर्षांच्या नात्याचा खास सोहळा साजरा केला. हृतिकने सोशल मीडियावर अनसीन फोटो शेअर केले. या पोस्टवर हृतिकची एक्स-वाईफ सुझान खाननेही खास कमेंट केलीये.
अभिनेता हृतिक रोशन आणि सबा आझाद हे बॉलिवूडच्या पॉवर कपलपैकी एक आहेत.या जोडप्याच्या नात्याला 5 वर्ष पूर्ण झाली आहेत. या खास प्रसंगी हृतिक त्यांचे काही अनसीन फोटो शेअर केले आहेत.
हृतिकने पोस्ट केलेल्या काही फोटोंत ते दोघे एकमेकांसोबत मस्ती करताना दिसले. तर काही फोटोजमध्ये ते एकमेकांच्या प्रेमात आकंठ बुडाले होते. त्याच्या या पोस्टवर लाईक्स आणि कमेंट्सचा वर्षाव झालाय.
“It’s our birthday... Happy 5th, my love.” अशी सुदंर कॅप्शन हृतिकने या फोटोंसोबत लिहीली आहे. अनेक चाहते, सेलिब्रिटींनी त्यांचं अभिनंदन केलंय
विशेष म्हणजे, या पोस्टवर हृतिकची एक्स-वाईफ सुझान खान हिनेही कमेंट केली आहे. “ खूपच सुंदर, दोघांना हार्दिक शुभेच्छा” असं लिहीलंय. सुझानच्या या कमेंटने सर्वांचे लक्ष वेधून घेतलं आहे.
2000 साली एकमेकांशी लग्नबंधनात अडकलेल्या सुझान आणि हृतिकचं लग्न जवळपास 14 वर्षं टिकलं. मात्र, त्यानंतर दोघांनी परस्पर संमतीने घटस्फोट घेतला. आता हृतिक हा सबासोबत रिलेशनशिपमध्ये आहे, तर सुझान अर्सलान गोनीला डेट करत्ये.
कामाबद्दल सांगायचं झालं तर हृतिक लवकरच बहुचर्चित 'क्रिश 4' मध्ये दिसणार आहे. 2027 ला हा पिक्चर रिलीज होणार आहे. तर सबा आझाद ही 'स्ट्रॉर्म' या वेबसीरिजमध्ये झळकणार आहे.
