घटस्फोटानंतर 12 वर्षांनी दुसरं लग्न करणार ही प्रसिद्ध अभिनेत्री, गुपचूप उरकला साखरपुडा, कोण आहे होणारा पती ?

Jennifer Winget Wedding : टेलिव्हिजन क्षेत्रातील प्रसिद्ध अभिनेत्री जेनिफर विंगेट ही घटस्फोटानंतर 12 वर्षांनी पुन्हा लग्नबंधनात अडकणार आहे. गेल्या अनेक दिवसांपासून तिच्या लग्नाबाबतच्या चर्चा सुरू होत्या. जेनिफर ही सिंगापूरमधील बिझनेसमनसोबत लवकरच दुसरं लग्न करणार असल्याचे समोर आले आहे. कोण आहे तो, कधी होणार त्यांचं लग्न ?

manasi mande | Updated on: Jun 08, 2026 | 10:06 AM

: बालकलाकार म्हणून आपल्या कारकिर्दीची सुरुवात करणारी अभिनेत्री जेनिफर विंगेट हे टीव्ही क्षेत्रातलं प्रसिद्ध नाव आहे. तिचे लाखो चाहते आहेत. जेनिफरने ‘कसौटी जिंदगी की’ या लोकप्रिय मालिकेत श्वेता तिवारीच्या मुलीची भूमिका साकारली होती. त्यानंतर तिने ‘दिल मिल गये’, ‘बेहद’, ‘बेपनाह’ आणि ‘सरस्वतीचंद्र’ यांसारख्या मालिकांमध्ये काम केलं. (फोटो सौजन्य: Instagram / Jenniferwinget1)

: तिच्या प्रोफेशनल आयुष्याप्रमाणेच जेनिफर ही पर्सनल आयुष्यामुळेही चर्चेत असते. टीव्ही मालिकांमुळे घराघरात पोहोचलेली, अनेकांची ही आवडती अभिनेत्री आता वयाच्या 41 व्या वर्षी दुसऱ्यांदा लग्न करणार आहे. तिच्या विवाहाबद्दल जोरदार चर्चा सुरू आहे. अभिनेता करण सिंग ग्रोव्हरशी घटस्फोट झाल्यानंतर 12 वर्षांनी ही अभिनेत्री दुसऱ्यांदा लग्न करणार आहे. जेनिफरचा बॉयफ्रेंड, तिचा होणार पती कोण, ते जाणून घेऊया.

: ईटाइम्सच्या एका रिपोर्टनुसार, अभिनेत्री जेनिफर विंगेट ही सिंगापूरस्थित बिझनेसमन विल्यमसोबत रिलेशनशिपमध्ये आहे. बऱ्याच काळापासून ते एकमेकांना डेट करत असून अतिशय खुश आहेत. या एंटरटेनमेंट पोर्टलच्या रिपोर्टनुसार, जेनिफर लवकर विल्यमशी लग्न करणार आहे.

: सुट्टी एकत्र घालवताना तिच्या प्रियकराने जेनिफरला लग्नासाठी मागणी घातली, तिने होकार दिल्यानंतर गुपचुप साखरपुडा केल्याचेही समजतं. काही काळापासून एकमेकांना डेट करत असलेले हे जोडपं या वर्षाच्या अखेरीस किंवा पुढील वर्षाच्या सुरुवातीला लग्न करणार असल्याची शक्यता आहे. मिळालेल्या माहितीनुसार, अभिनेत्रीने लग्नाची तयारी आधीच सुरू केली आहे.

: जेनिफर विंगेट आणि विल्यम दोघेही ख्रिश्चन आहेत आणि हा विवाह सोहळा ख्रिश्चन पद्धतीने होणार आहे. लग्न कुठे, कसं करायंच याचं प्लानिंग हे कपल सध्या करत असून तयारीत व्यस्त आहेत. या वर्षी सप्टेंबर-ऑक्टोबर किंवा डिसेंबर-जानेवारीमध्ये त्यांचा विवाह होण्याची शक्यता आहे. मात्र यावर जेनिफरने अद्याप कोणतीही प्रतिक्रिया दिलेली नाही.

: मिळालेल्या माहितीनुसार, रितेश देशमुख, जेनेलिया डिसूझा, हरलीन सेठी आणि आशिष चौधरी यांच्यासह जेनिफर विंगेटच्या जवळच्या मित्रांना अभिनेत्रीच्या लग्नाबद्दल माहिती आहे. जेनिफर तिच्या लग्नात फक्त अगदी जवळच्या मित्रांनाच आमंत्रित करणार असल्याचेही समजते.

: जेनिफर विंगेटचं पहिलं लग्न अभिनेता करण सिंग ग्रोव्हरसोबत झालं होतं. ‘दिल मिल गये’ या टीव्ही मालिकेच्या सेटवर त्या दोघांची भेट झाली. एकत्र काम करत असताना त्यांचं प्रेम फुललं आणि लवकरच ते लग्नबंधनात अजकले. 2012 साली त्यांचा विवाह झाला.

: मात्र त्यांचं नातं फार काळ टिकलं नाही. अवघ्या दोन वर्षांनंतर त्यांचं लग्न मोडलं आणि 2014 साली जेनिफर- करण वेगळे झाले. करण सिंग ग्रोव्हरने पुढे जाऊन बॉलिवूड अभिनेत्री बिपाशा बसूशी तिसऱ्यांदा लग्न केले. आज करण आणि बिपाशा, हे त्यांची मुलगी देवीसोबत आनंदी जीवन जगत आहेत. तर जेनिफरनेही मूव्ह ऑन केलं असून 12 वर्षांनी ती पुन्हा लग्न करणार आहे.

LIVETV