Lalit Prabhakar: कसाबची भूमिका साकारल्यानंतर ललित प्रभाकरचा ताज हॉटेलमधील रुबाबदार अंदाज, फोटो चर्चेत
Lalit Prabhakar: ललितच्या या फोटोंवर चाहत्यांनी कौतुकाचा वर्षाव केला आहे. त्याच्या स्टायलिश लूकपासून ते फोटोंच्या सौंदर्यापर्यंत अनेक गोष्टींची चर्चा सोशल मीडियावर सुरू आहे. ताज हॉटेलच्या भव्यतेसोबत ललितचा साधा, पण आकर्षक अंदाज चाहत्यांना भावला आहे.
मराठी मनोरंजनविश्वातील लोकप्रिय अभिनेता ललित प्रभाकर सध्या त्याच्या एका खास फोटोशूटमुळे चर्चेत आला आहे. ‘ताज इज अॅन इमोशन’ (ताज ही एक भावना आहे) असं कॅप्शन देत अभिनेत्याने मुंबईतील प्रसिद्ध ताजमहाल पॅलेस हॉटेलमधील काही खास फोटो सोशल मीडियावर शेअर केले आहेत. त्याच्या या फोटोंनी चाहत्यांचं लक्ष वेधून घेतलं आहे.
विशेष म्हणजे, ‘प्रहार’ चित्रपटात दहशतवादी अजमल कसाबची भूमिका साकारल्यानंतर ललितचा ताजमधील हा रुबाबदार अंदाज पाहून चाहत्यांमध्ये त्याची चर्चा रंगली आहे. ललित प्रभाकरने आपल्या अधिकृत इन्स्टाग्राम अकाउंटवरून हे फोटो शेअर केले आहेत. या फोटोंमध्ये तो ताज हॉटेलच्या भव्य वास्तूच्या पार्श्वभूमीवर दिसत आहे.
पांढऱ्या रंगाच्या स्टायलिश पोशाखात त्याने दिलेल्या पोझ चाहत्यांना विशेष आवडल्या आहेत. या फोटोशूटसाठी ललितने खास स्टायलिंग केलं असून, त्याच्या लूकमध्ये एक वेगळाच रुबाब पाहायला मिळत आहे. ‘ताज इज अॅन इमोशन’ असं कॅप्शन देत त्याने या ऐतिहासिक वास्तूबद्दलचं आपलं प्रेम व्यक्त केलं आहे.
त्याच्या या पोस्टवर चाहत्यांसह अनेक कलाकारांनीही प्रतिक्रिया दिल्या आहेत. ललित प्रभाकरने आपल्या अभिनयाच्या जोरावर मराठी चित्रपटसृष्टीत वेगळी ओळख निर्माण केली आहे. ‘जुळून येती रेशीमगाठी’ या मालिकेतून लोकप्रिय झालेल्या ललितने ‘अनन्या’, ‘झोंबिवली’, ‘मीडियम स्पायसी’ यांसारख्या चित्रपटांमध्ये विविध भूमिका साकारल्या आहेत.
नुकत्याच आलेल्या ‘प्रहार’ चित्रपटात त्याने अजमल कसाबची भूमिका साकारली होती. मुंबईवरील 26/11 च्या दहशतवादी हल्ल्याच्या पार्श्वभूमीवर आधारित या चित्रपटातील त्याच्या भूमिकेची चर्चा झाली होती. या गंभीर भूमिकेनंतर ताज हॉटेलमध्ये केलेलं त्याचं फोटोशूट विशेष लक्ष वेधून घेत आहे.
