‘महा’विकास आघाडीचा विराट ‘महा’मोर्चा! मोर्च्यावर फुलांचा वर्षाव, फोटो!
महाविकासआघाडीच्या विराट महामोर्च्याला मोक्कार गर्दी झालीये. या सगळ्याचे फोटो, व्हिडीओ व्हायरल झालेत.
महापुरुषांच्या अवमानाच्या निषेधार्थ महाविकास आघाडी ‘महामोर्चा’ काढलाय. भायखळा रिचर्डसन्स अँड क्रूडास कंपनीपासून या महामोर्चाची सुरुवात झाली. हा मोर्चा आता सीएसएमटी स्टेशनच्या समोर टाइम्स ऑफ इंडियाच्या इमारतीच्या दिशेने पुढे सरकतोय.
राज्यपालांनी छत्रपती शिवाजी महाराजांबाबत आक्षेपार्ह वक्तव्य करणाऱ्या भगतसिंग कोश्यारी यांना पदावरून दूर करण्याची मागणी या आंदोलनात होतीये.
ठाकरेगट, राष्ट्रवादी, काँग्रेसचे नेते कार्यकर्ते या मोर्चात सहभागी होण्यासाठी मुंबईत दाखल झाले आहेत. राज्यभरातून महाविकास आघाडीचे नेते मुंबईत दाखल झालेत. फोटोमध्ये गर्दी बघा, या मोर्चाला प्रचंड गर्दी आहे. विराट असा हा महामोर्चा महाविकास आघाडीचं शक्तिप्रदर्शन आहे असं म्हणायला हरकत नाही.
ज्या ज्या ठिकाणावरून हा मोर्चा जातोय त्या त्या ठिकाणी तिथे असणारे नागरिक, रहिवाशी या मोर्च्याला पाठिंबा देताना दिसतायत. मोर्च्याला पाठिंबा म्हणून लोक आपल्या घरातच्या खिडकीतून, बाल्कनी मधून या मोर्चावर फुलांचा वर्षाव करताना दिसतायत.
माजी महसूल मंत्री बाळासाहेब थोरात, खासदार संजय राऊत, सपाचे अबू असीम आजमी, शेकापचे जयंत पाटील. काँग्रेस प्रदेशाध्यक्ष जयंत पाटील, काँग्रेस नेते माणिकराव ठाकरे, माजी पर्यावरण मंत्री आदित्य ठाकरे, माजी खासदार चंद्रकांत खैरे, राष्ट्रवादीच्या खासदार सुप्रिया सुळे, खासदार विनायक राऊत, मुंबई काँग्रेसचे अध्यक्ष भाई जगताप मोर्चात सहभागी झाले आहेत.