मराठा आरक्षण! आज कुठे बंद, कुठे संचारबंदी, कुठे रास्ता रोको? वाचा
मराठा आरक्षण आंदोलन सध्या पेटलं आहे. त्याचे राज्यभर पडसाद उमटू लागले आहेत. मराठवाड्यात तणावाची परिस्थिती निर्माण झाली. कुठे संचारबंदी आहे तर कुठे शहरबंदी. शाळा कॉलेज बंद असून परीक्षा देखील पुढे ढकलण्यात आल्यात. बघुयात मराठवाड्यात कुठे संचारबंदी आहे.
परभणी शहरात आज सलग दुसऱ्या दिवशी काही मराठा संघटनांकडून बंद चा आवाहन करण्यात आला आहे,पोलीस प्रशासन ॲक्शन मोड वरती असून, जिल्हा पोलीस अधीक्षक स्वतः संपूर्ण बंद वर लक्ष ठेवून आहेत.
सिन्नर तालुक्यातील नांदूर-शिंगोटेत आंदोलकांचा रास्तारोको. नाशिक - पुणे महामार्गावर रास्तारोको. पुणे महामार्गावरील वाहतूक खोळंबली
आज दुसऱ्या दिवशीही धाराशिव जिल्ह्याततही संचारबंदी कायम असणार आहे. आज शाळा, बस, बाजारपेठ बंद असणार असुन शाळेच्या परीक्षा पुढे ढकलल्या आहेत.
maratha arakshan andolan
बीड जिल्हा अंतर्गत एसटी बस सेवा अजूनही बंद आहे. जिल्ह्यातील संचारबंदी उठवली असली तरी बससेवा अजून सुरु करण्यात आलेली नाही.
मराठा समाजाला आरक्षण मिळावे यासाठी इचलकरंजीत रस्त्यावर टायर पेटून शासनाचा केला निषेध. शहरातील प्रमुख येणाऱ्या संपूर्ण मार्गावर चार ठिकाणी केला चक्काजाम आंदोलन. इचलकरंजी शहराला कर्नाटक कोल्हापूर सांगली हातकणंगले येणाऱ्या सर्व मार्गावर केला चक्काजाम आंदोलन
सकल मराठा समाजाच्या वतीने रास्ता रोको आंदोलन. नाशिक-छत्रपती संभाजीनगर महामार्गावरील शिलापुर-माडसांगवी टोलनाका येथे रास्ता रोको आंदोलन. पंचक्रोशीतील सकल मराठा समाजाचे बांधव आंदोलनात सहभागी
मराठा आरक्षण आणि जरांगे पाटील यांना जाहीर पाठिंबा देत मुंबईतील पवई या ठिकाणी सकल मराठा समाजाकडून ठिय्या आंदोलन करण्यात येत आहे
