कोपर्डीत पुन्हा एखाद्या निर्भयावर अत्याचार होऊ नये… आमदार रोहित पवारांकडून मुलींसाठी ना नफा ना तोटा तत्वावर कोपर्डी ते कर्जत बससेवा
कर्जत तालुक्यातील महाविद्यालयीन विद्यार्थ्यांनींसाठी कर्जतचे आमदार रोहित पवार यांनी राखी पौर्णिमेची अनोखी भेट दिलीये.
कोपर्डी ते कर्जत येथील दादा पाटील महाविद्यालयांपर्यंत मुलींसाठी तेजस्विनी बस सुरू केलीये.
संपूर्ण राज्याला हादरवून सोडणारी कोपर्डी घटना घडल्यानंतर मुलींमध्ये आणि पालकांमध्ये आजही त्या घटनेमुळे भीतीचे वातावरण पाहायला मिळते.
कोरोनानंतर शाळा महाविद्यालय सुरू झालेत...मात्र, ग्रामीण भागामध्ये पुरेशी एसटी सेवा नसल्यामुळे मुलींच्या येण्या - जाण्याचा प्रश्न गंभीर निर्माण झालाय.
ही गोष्ट राष्ट्रवादी काँग्रेस पक्षाचे आमदार रोहित पवार आणि बारामती ॲग्रो तसेच कर्जत - जामखेड एकात्मिक विकास संस्था यांच्या माध्यमातून मुलींसाठी घर ते महाविद्यालय ही खास बस सेवा सुरू करण्यात आलीये.
ना नफा ना तोटा तत्वावर ही बस सेवा सुरू करण्यात आलीये. त्यामुळे विथ्यार्थीनींची शाळेत जाण्यायेण्याची चिंता आता मिटली आहे.