मुंबईत मोठी वाहतूक कोंडी, पश्चिम द्रुतगती महामार्ग ठप्प; पाहा फोटो
मुंबईत रात्रभर मुसळधार पाऊस झाला आहे ज्यामुळे शहरातील अनेक भाग जलमय झाले आहेत. हिंदमाता, सायन आणि दादर सारख्या सखल भागांमध्ये पाणी साचले आहे. लोकल ट्रेन्स १०-१५ मिनिटे उशिराने धावत आहेत आणि ईस्टर्न आणि वेस्टर्न हायवेवर प्रचंड वाहतूक कोंडी आहे.
मुंबई शहर आणि उपनगरात रात्रभर मुसळधार पाऊस सुरू आहे. यामुळे हिंदमाता, सायन आणि दादरसारख्या सखल भागांतील रस्त्यांवर पाणी साचले आहे.
मुंबईतील मुसळधार पावसामुळे नागरिकांना साचलेल्या पाण्यातून वाट काढावी लागत आहे.
मुंबईची जीवनवाहिनी असलेली लोकल रेल्वे १० ते १५ मिनिटे उशिराने धावत आहे.
तर दुसरीकडे ईस्टर्न हायवे, वेस्टर्न हायवेसह शहरातील सर्व प्रमुख रस्त्यांवरील वाहतूक संथ गतीने सुरू आहे.
रात्रभर झालेल्या पावसामुळे आणि जलमय रस्त्यांमुळे चाकरमान्यांना कामावर पोहोचण्यास उशीर होण्याची शक्यता आहे.
रस्त्यांवर पाणी साचल्याने अनेक वाहने पाण्यातून जात असताना बंद पडत आहेत, ज्यामुळे वाहनचालकांना अडचणी येत आहेत.
तसेच सध्या पश्चिम द्रुतगती महामार्गावर वाहतूक कोंडी झाली आहे.
गोरेगाव ते विलेपार्लेदरम्यान पश्चिम द्रुतगती महामार्गावर वाहनांच्या लांबच लांब रांगा लागल्याने प्रचंड वाहतूक कोंडी झाली आहे. ज्यामुळे नोकरदारांना कार्यालय गाठणे कठीण झाले आहे.
