Priya Berde: स्वामी, आम्हाला वाचवलंत..; बसमध्ये अचानक तांत्रिक बिघाड, प्रिया बेर्डे यांच्या काळजाचा ठोका चुकला
Priya Berde: मराठमोळी अभिनेत्री प्रिया बेर्डे यांनी इन्स्टाग्राम स्टोरीमध्ये काही फोटो शेअर केले आहेत. मुंबईला परत येत असताना त्यांच्या बसमध्ये काही तांत्रिक बिघाड झाली. हे फोटो शेअर करत त्यांनी प्राण वाचवल्याबद्दल देवाचे आभार मानले आहेत.
अभिनेत्री प्रिया बेर्डे सोशल मीडियावर नेहमीच त्यांच्या आयुष्यातील खास क्षण चाहत्यांसोबत शेअर करताना दिसतात. मात्र यावेळी त्यांनी शेअर केलेली इन्स्टाग्राम स्टोरी काहीशी वेगळी आणि चिंता वाढवणारी आहे. मुंबईला परतत असताना त्यांना काही अडचणींचा सामना करावा लागला. या अनुभवाचे फोटो त्यांनी इन्स्टा स्टोरीमध्ये शेअर केले आहेत.
प्रिया बेर्डे यांनी शेअर केलेल्या स्टोरीमध्ये बसच्या आतून घेतलेला एक फोटो दिसत आहे. त्यावर त्यांनी 'मुंबईला परत येत असताना (आणि कसं..)' असं लिहिलं आहे. त्यांच्या या कॅप्शनवरून मुंबईकडे परतण्याचा प्रवास सुखकर राहिला नसल्याचं स्पष्ट होत आहे.
प्रिया बेर्डे यांच्या स्टोरीतील दुसऱ्या फोटोमध्ये रस्त्यावर उभी असलेली एक बस दिसत आहे. बसच्या चाकाशी संबंधित काही बिघाड झाल्याचंही या फोटोवरून दिसून येत आहे. आणखी एका फोटोमध्ये बसचं चाक आणि त्याचा खराब झालेला भाग रस्त्याच्या कडेला ठेवलेला दिसत आहे. त्यामुळे प्रवासादरम्यान बसमध्ये तांत्रिक बिघाड झाल्याचा अंदाज येतो.
'आम्हाला वाचवण्यासाठी धन्यवाद स्वामी..' असंही त्यांनी या फोटोंवर लिहिलं आहे. मुंबई गाठण्यासाठी सुरू केलेला हा प्रवास या घटनेमुळे मध्येच थांबला आणि अनपेक्षित संकटातून प्रिया थोडक्यात वाचली, हे त्यातून स्पष्ट होत आहे.
प्रिया यांची ही स्टोरी बघून चाहत्यांनी काळजी व्यक्त केली आहे. नेमकं काय घडलं याविषयी सविस्तर माहिती त्यांनी दिसली तरी बसमध्ये काही तांत्रिक बिघाड झाल्याचं या फोटोंवर सहज समजतंय.
