पुणे बलात्कार प्रकरण, गुनाटला पोलिसांचा घेराव; घरापासून ते बांधापर्यंत पोलीसच पोलीस, पहिले Photos
पुण्यातील स्वारगेट बसस्थानकात एका तरुणीवर अत्याचार करण्यात आल्याची घटना घडली आहे, या प्रकरणातील आरोपीच्या शोधासाठी आता पोलिसांनी 13 पथकांची नियुक्ती केली आहे.
पुण्यातून एक धक्कादायक घटना समोर आली, पुण्यातील स्वारगेट बसस्थानकात उभ्या असलेल्या बसमध्ये तरुणीवर अत्याचार करण्यात आला. सोमवारी पहाटेच्या सुमारास ही घटना घडली.
दरम्यान या घटनेनंतर आता राज्यातील वातावरण चांगलंच तापलं आहे. दत्तात्रय गाडे असं या प्रकरणातील आरोपीचं नाव आहे.
आरोपीच्या शोधासाठी पोलिसांनी तेरा पथक तयार केली असून, आरोपीचा शोध सुरू आहे, त्याची माहिती देणाऱ्याला बक्षिसाची देखील घोषणा करण्यात आली आहे.
आरोपी दत्तात्रय गाडे हा पुणे जिल्ह्यातल्या शिरूर तालुक्यातील गुनाट गावचा रहिवासी आहे, त्याच्या गावात देखील पोलिसांकडून त्याचा शोध सुरू आहे.
गुनाट गावाला छावणीचं स्वरुप प्राप्त झालं आहे, मोठा फौजफाटा या गावात तैनात करण्यात आला आहे. सर्वत्र पोलीसच -पोलीस दिसत आहेत.
ड्रोन आणि डॉग स्कॉडच्या मदतीनं पोलीस या गावात आरोपीचा शोध घेत आहेत, मात्र अजूनही आरोपी पोलिसांच्या हाती लागलेला नाहीये.
दरम्यान आरोपी रात्री गावात आला होता, त्याने एका घरात पाणी मागितलं असा दावा येथील ग्रामस्थांनी पोलिसांशी बोलताना केला आहे.
