Numerology : शुक्रवार 21 एप्रिल 2023 साठी अंकशास्त्राचं गणित कसं असेल? जाणून घ्या एका क्लिकवर
Numerology : अंकशास्त्रात प्रत्येक अंकांचं महत्त्व सांगितलं गेलं आहे. जन्म तारखेनुसार मूलांक आणि भाग्यांक काढला जातो. मूलांकाच्या आधारे तुमचा दिवस कसा असेल ते जाणून घ्या.
अंकशास्त्रात मूलांक आणि भाग्यांकाद्वारे लकी नंबर आणि शुभ रंग ठरवला जातो. 1- सूर्य, 2- चंद्र, 3- गुरु, 4- राहु, 5 – बुध, 6 – शुक्र, 7 – केतु, 8- शनि आणि 9 या अंकावर मंगळाचं अधिपत्य आहे. मुलांक ही तुमची जन्म तारीख असते. 1, 19, 28 ही जन्मतारीख असेल तर 1, 1+9, 2+8 असं करत मुलांक 1 येईल.
1 / 10
नव्या कामाची सुरुवात करण्यासाठी चांगला दिवस आहे. नवी योजना तुम्ही अमलात आणू शकता. आजचा दिवस उत्साहवर्धक असेल. त्यामुळ निश्चित फायदा होईल. शुभ अंक 4 आणि शुभ रंग केसरी असेल.
2 / 10
कौटुंबिक कलह असल्याने कामात मन लागणार नाही. पण टेन्शन घेऊन कामं होत नाहीत. त्या ऐवजी कामावर लक्ष केंद्रीत करा आणि नव्याने सुरुवात करा. शुभ अंक 2 आणि शुभ रंग पांढरा राहील.
3 / 10
आयुष्य हे पूर्णत: बदलावर अवलंबून आहे. कोणतीच गोष्ट चिरकाळ टिकत नाही. त्यामुळे नव्या बदलासह आयुष्य स्वीकारा आणि पुढे जात राहा. आरोग्याकडे लक्ष द्याल. शुभ अंक 7 आणि शुभ रंग गुलाबी राहील.
4 / 10
मनापुढे बुद्धीचं काही चालत नाही. अनेकदा भावनिक होऊन निर्णय घ्यावे लागतात. नुकसान होत असलं तरी काही गोष्टी सोडून दिलेल्याच बऱ्या असतात. नाहीतर जास्त नुकसान होतं. शुभ अंक 3 आणि शुभ रंग पिवळा राहील.
5 / 10
जुन्या मित्रांच्या भेटीगाठी होतील. बिझनेससाठी नव्या आयडिया सापडतील. इतकंच काय तर जोडीदार मिळाल्याने आनंदी व्हाल. नव्याने सुरुवात करणारा दिवस आहे. शुभ अंक 6 आणि शुभ अंक लाल राहील.
6 / 10
प्रत्येकाचे विचार करण्याची पद्धत आपल्यासारखीच असते असं नाही. कधी समोरच्याला चूक सांगूनही उपयोग होत नाही. त्यामुळे त्याला फटका बसेल म्हणून त्रास करून घेऊ नका. आपल्या कामाकडे लक्ष केंद्रीत करा. शुभ अंक 5 आणि शुभ रंग निळा राहील.
7 / 10
आपल्या हवी असलेली गोष्ट उशिरा मिळाली तरी त्याचा काही उपयोग नसतो. असंच काहीसं तुमच्या बाबतीत होईल. कौटुंबिक वातावरण तणावपू्र्ण राहील. त्यामुळे वाणीवर नियंत्रण ठेवा. शुभ अंक 6 आणि शुभ रंग पिवळा राहील.
8 / 10
समाजात मानसन्मान मिळणारा दिवस राहील. त्यामुळे संपूर्ण दिवस आनंदी जाईल. पण कुणाला दुखावेल असं वागू नका. वाणीवर नियंत्रण ठेवा. मित्रांना भेटण्याचा प्रयत्न करा. शुभ अंक 8 आणि शुभ रंग हिरवा राहील.
9 / 10
वडिलधाऱ्या व्यक्तींचा सल्ला कायम कामी येतो. त्यामुळे त्यांचं म्हणणं ऐका. कदाचित मोठ्या आर्थिक नुकसानीतून तुम्ही वाचाल. तसेच मिळालेल्या संधीचं सोनं करा. शुभ अंक 18 आणि शुभ रंग सोनेरी राहील. (वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)
