क्रिकेटचा देव अशी ख्याती असलेल्या सचिन तेंडुलकरचे मुंबईतील घर एखाद्या राजवाड्यापेक्षा कमी नाही . वांद्रे येथील हा बंगला 6 हजार फुटांवर पसरला असून त्याचं नाव दोराब व्हिला असं आहे. सचिनने हे घर 2007 साली खरेदी केलं आणि प्रेमाने सजवलं आहे. या घरात उत्कृष्ट पेंटिंग्स आणि एक मोठी बाग आहे. मास्टर ब्लास्टरच्या या सुंदर घराची पाहूया झलक
क्रिकेटच्या मैदानावर रन मशीन म्हणून ओळखला जाणारा सचिन तेंडुलकर साधेपणे पण तेवढ्याच रॉयली जगतो. मुंबईतील वांद्रे परिसरातील त्याचा बंगला 1926 काळातील पारसी वास्तुकला आणि आधुनिक सुविधांचा एक अद्भुत मिलाफ आहे. आज सचिनच्या लेकाचं, अर्जुन तेंडुलकरचं सानिया चंडोकशी होत असून लग्नानंतर नवं जोपं याच घरात, गृहप्रवेश करणार आहे. पाहूया त्याचं आलिशान घर.. ( Photos : Insstgram / Sachin Tendulkar)
1 / 9
सचिनने 2007 मध्ये हा बंगला खरेदी केला होता, तेव्हा त्याची किंमत 39 कोटी रुपये होती, पण आता ही किंमत 100 कोटींच्या आसपास पोहोचल्याचे बोलले जात आहे. बंगल्याचे रिनोव्हेशन करण्यासाठी, तो सडवण्यासाठी करण्यासाठी सचिनला चार वर्षे लागली, त्यानंतर तो 2011 मध्ये त्याच्या कुटुंबासह इथे राहायला गेला.
2 / 9
सचिन तेंडुलकरचे घर अनेक मजल्यांमध्ये विभागलेले आहे, ज्यामध्ये दोन तळघरं आणि एक भव्य टेरेस आहे. मुख्य दरवाजा गडद लाकडाचा बनलेला आहे आणि त्यावर सुंदर कोरीव काम केलं आहे. आत जाण्यापूर्वी, तिथे काळ्या संगमरवरी फरशी आणि दरवाजाच्या दोन्ही बाजूंना फुलांच्या कुंड्या दिसतील.
3 / 9
बंगल्याची लिव्हिंग रूम, प्रशस्त आणि आरामदायी आहे, पांढऱ्या आणि राखाडी रंगांच्या छटांनी सजवलेलं घर आहे. त्यात आरामदायी सोफे आणि रंगीबेरंगी गाद्या आहेत. खोलीच्या एका कोपऱ्यात एक मोठी चामड्याची खुर्ची आणि हस्तिदंती दिवे ठेवले आहेत.
4 / 9
सर्वात उल्लेखनीय गोष्ट म्हणजे, सचिनला मिळालेले सर्व पुरस्कार आणि ट्रॉफी येथे व्यवस्थित मांडून ठेवल्या आहेत. या भागाला लागूनच त्याचा डायनिंग एरिया आहे, जिथे सागवानाचे टेबल आणि गडद तपकिरी रंगाच्या चामड्याच्या खुर्च्या आहेत. या भागात एक आकर्षक महोगनी तपकिरी डायनिंग टेबल आहे, जे त्यांच्या घराच्या डायनिंग सेक्शनचा एक मुख्य भाग आहे. मागील भिंतीवर एक मोठे, रंगीत मॉडर्न आर्ट पेंटिंग हे लिव्हिंग रूमची शोभा वाढवतंय. पांढऱ्या भिंती आणि तपकिरी फर्निचर यामुळे घराला एक शांत आणि स्वागतार्ह वातावरण मिळतं.
5 / 9
बैठकीच्या खोलीच्या दुसऱ्या भागात पांढऱ्या भिंती आणि चमकदार फरशी आहेत. आधुनिक झुंबर आणि लाकडी छताचे पॅनेल खोलीची शोभा वाढवतात . एका भिंतीवर भगवान तिरुपती बालाजीचे एक भव्य चित्र आहे, जे सचिनच्या कला संग्रहाचे आणि त्याच्या श्रद्धेचे प्रतिबिंब आहे.
6 / 9
सचिन तेंडुलकर यांच्या घरातील मंदिर असलेला भाग हा त्याची गाढ श्रद्धा आणि साधेपणा दाखवतो. या भिंती सुंदर चित्रांनी आणि देवदेवतांच्या मूर्तींनी भरलेल्या आहेत, त्या फुलांनी सजवलेल्या आहेत. या मंदिराच्या कोपऱ्यातील कोरीव लाकडी कपाट आणि शांत वातावरण घराच्या पारंपारिक लूकला पूरक आहे.
7 / 9
लाकडी जिने आणि लाकडी छताचे पॅनेल घराला एक क्लासिक आणि उबदार लूक देतात. सणांच्या वेळी हा परिसर अनेकदा ताज्या फुलांनी आणि हारांनी सजवला जातो, ज्यामुळे वातावरण उत्साही वाटतं. संगमरवरी फरशी आणि हलके भिंतींचे रंग यामुळे जागा प्रशस्त आणि हवेशीर ठरते.
8 / 9
सचिनच्या घराची बाग घनदाट झाडं, हिरवं गवत आणि सुंदर फुलांनी भरलेली आहे, जिथे सर्व कुटुंबीय दिवाळीसारखे सण साजरे करतात. बागेच्या एका कोपऱ्यात आरामदायी बसण्याची व्यवस्था आणि प्रभावी प्रकाशयोजना आहे, ज्यामुळे संध्याकाळी ते अत्यंत आकर्षक दिसतं. हा हिरवागार कोपरा शांतता देतो. ( डिस्क्लेमर : वरील माहिती उपलब्ध स्रोतावरून देण्यात आलेली आहे.)
