पावसाळ्यात घरात भिरभिरणाऱ्या माशांचा त्रास कमी करण्यासाठी सोपे उपाय
हे सर्व उपाय करताना तुम्हाला तुमचं घरही तितकंच स्वच्छ ठेवणं खूप गरजेचं आहे. अस्वच्छ ठिकाणी माशा, डास आणि इतर किड्यांची पैदास होते किंवा ते अधिक प्रमाणात पसरतात. त्याचसोबत घरातील कचरा वेळोवेळी बाहेर काढणे, अन्न झाकून ठेवणंही महत्त्वाचं आहे.
पावसाळ्यात घरभर भिरभिरणाऱ्या माशांचा त्रास खूप जाणवतो. या माशांमुळे विविध रोगदेखील पसरण्याचा धोका असतो. घरातील माशांपासून मुक्त होण्यासाठी तुम्ही काही काही साध्या आणि सोप्या टिप्सचा अवलंब करू शकता. यामुळे घरातील माशांची समस्या क्षणार्धात सोडवण्यात मदत होईल.
घरातील माशा दूर करण्यासाठी कापूर हा सर्वोत्तम उपाय आहे. भीमसेनी कापराचा एक छोटासा तुकडा जाळावा. त्या कापराचा धूर संपूर्ण घरात पसरवा. कापराच्या धुराने आणि वासाने माशा लगेच दूर होतील. दिवसातून तीन ते चार वेळा असं केल्यास माशांचा त्रास होणार नाही.
मीठ आणि व्हिनेगर या दोन गोष्टी पाण्यात मिसळून त्याने संपूर्ण घर पुसून घ्या. मीठ आणि व्हिनेगर यांमध्ये अँटीबॅक्टेरियल गुणधर्म असल्याने ते घर स्वच्छ करतात. यामुळे घरात माशा येत नाहीत. स्वयंपाकघर किंवा घर जितकं अस्वच्छ असेल, तितक्या जास्त माशा घरात प्रवेश करतात.
माशांना घरातून घालवण्यासाठी एक विशेष स्प्रे बनवून ठेवा. अॅपल सायडर व्हिनेगर पाण्यात मिसळून ते स्प्रे बॉटलमध्ये भरून ठेवा. हा स्प्रे दिवसभर काही-काही वेळानंतर घरात स्प्रे करा. तुमच्या गरजेनुसार तुम्ही पाण्याचं आणि अॅपल सायडर व्हिनेगरचं प्रमाण ठरवू शकता.
माशांना दूर पळवण्यासाठी तमालपत्र आणि पुदिन्याची पानं खूप कामी येतात. तमालपत्र जाळून त्याचा धूर घरात फिरवल्याने माशा दूर होतात. याशिवाय घराच्या कोपऱ्यात पुदिन्याची पानं ठेवावीत. पुदिन्याच्या पानांच्या वासानेही माशा घरात फिरत नाहीत.
